Plastic Food Container: तुम्हीही प्लास्टिकच्या कंटेनरमध्ये जेवण ठेवता? मग वाचा याचे तोटे

Side Effects of Plastic Food Container: घरात काही अन्न उरले असेल, तर सहसा लोक ते प्लास्टिकच्या बॉक्समध्ये किंवा कंटेनरमध्ये भरून फ्रीजमध्ये ठेवतात. हे जवळजवळ सर्व घरांमध्ये केले जाते. त्याचे धोकादायक दुष्परिणाम होऊ शकतात. खरं तर प्लास्टिक हा आपल्या जीवनाचा एक महत्त्वाचा भाग बनला आहे. अन्न साठवण्यासाठी वापरण्यात येणारी बहुतांश भांडी प्लास्टिकची असतात. प्लॅस्टिकची भांडी तुम्हाला सोयीची वाटत असली तरी शरीराला हानी पोहोचवणाऱ्या अनेक गोष्टी त्याच्याशी जोडलेल्या आहेत.

लोकांनी प्लास्टिकची भांडी वापरणे टाळावे, असेही तज्ज्ञांचे म्हणणे आहे. एवढेच नव्हे तर उरलेले अन्न प्लास्टिकच्या भांड्यांमध्ये ठेवू नये, तसेच अन्नपदार्थ ठेवून ते गरम करू नये. याचे कारण म्हणजे त्याचा शरीरावर वाईट परिणाम होतो. प्लॅस्टिकच्या डब्यांमध्ये उरलेले अन्न ठेवण्याची प्रथा मोठ्या प्रमाणावर असल्याने तज्ज्ञांनी चिंता व्यक्त केली आहे. तसेच, त्यामुळे होणारे नुकसानही लोकांना माहीत नाही.

प्लास्टिक कंटेनरचे तोटे काय आहेत?

तज्ज्ञांनी सांगितले की, प्लास्टिकची भांडी शरीराला हानी पोहोचवतात. ते म्हणतात की लोकांनी त्याचा वापर टाळावा. जेव्हा प्लास्टिकच्या डब्यात अन्न गरम केले जाते किंवा विशिष्ट प्रकारचे अन्न त्यात ठेवले जाते तेव्हा ते एक प्रकारचे रसायन सोडते, ज्यामुळे आपल्या आरोग्यास हानी पोहोचते. प्लॅस्टिकमुळे होणाऱ्या कॅन्सरसारख्या इतर आजारांची लोकांना आधीच माहिती आहे.

प्लास्टिकचे कंटेनर कुठे वापरायचे?

आता प्रश्न पडतो की प्लास्टिकचे डबे वापरायचेच असतील तर ते कशासाठी वापरायचे. जर कोणाला प्लास्टिकचा डबा वापरायचा असेल तर त्यांनी विशेष प्रकारचे प्लास्टिक वापरावे, असा सल्ला तज्ज्ञांनी दिला आहे. जसे की पॉलीथिलीन टेरेफ्थालेट (पीईटी) बनलेले कंटेनर. पीईटीचे बनलेले कंटेनर हे सामान्य प्लास्टिकपेक्षा वेगळे असतात. त्यांचे शरीरावर कोणतेही दुष्परिणाम होत नाहीत.