विज्ञान परिषदेची विज्ञान चित्रपट कार्यशाळा

सातव्या भारतीय विज्ञान चित्रपट महोत्सवाचा भाग असलेल्या विज्ञान चित्रपट कार्यशाळेचा समारोप गुरुवारी झाला.
Science
ScienceDainik Gomantak

सातव्या भारतीय विज्ञान चित्रपट महोत्सवाचा भाग असलेल्या विज्ञान चित्रपट कार्यशाळेचा समारोप गुरुवारी झाला. विविध महाविद्यालयांतील सुमारे 60 विद्यार्थ्यांनी यात भाग घेतला. ता. 12 ते 14 एप्रिल दरम्यान आयोजित करण्यात आलेली ही कार्यशाळा छायाचित्रकार, चित्रपट निर्माता आणि विज्ञानप्रेमी राकेश राव यांच्या मार्गदर्शनाखाली पार पडली. वैज्ञानिक संकल्पना मांडणारे आणि देशातील लोकांमध्ये विज्ञान संस्कृती रुजवणारे चित्रपट देशात बनवणे अत्यंत गरजेचे आहे ही बाब या कार्यशाळेत विशेषरित्या नमूद करण्यात आली.

Science
भारलेल्या क्षणांमधील जादू

कार्यशाळेच्या (workshop) पहिल्या दिवशी चित्रपट निर्माते राकेश राव यांनी चित्रपटासाठी विषय निवडणे, संशोधन करणे, स्रोत मिळवणे आणि वस्तुस्थिती तपासणी कशी करायची याबाबत तर दुसऱ्या दिवशी कॅमेरा तंत्र आणि तिसऱ्या दिवशी पोस्ट-प्रॉडक्शन प्रक्रियेविषयी माहिती दिली. अंटार्क्टिका आणि आर्क्टिक मोहिमांबद्दल विद्यार्थ्यांना शिक्षित करण्यासाठी कार्यशाळेदरम्यान एका विशेष सत्राचे आयोजन करण्यात आले होते.

राकेश राव म्हणाले, "वैज्ञानिक संकल्पना जास्तीत जास्त प्रेक्षकांपर्यंत पोहचवण्यासाठी छायाचित्रे आणि चित्रपट हे प्रभावी साधन ठरू शकतात. आज विज्ञान चित्रपट निर्मिती क्षेत्रात खूप कमी लोक काम करत आहेत. विज्ञान (Science) चित्रपट निर्मिती क्षेत्राबद्दल माहिती देणे आणि विद्यार्थ्यांमध्ये त्यांची आवड निर्माण करणे या उद्देशाने ही कार्यशाळा आयोजित करण्यात आली होती".

या कार्यशाळेत सहभागी झालेला प्रत्येक विद्यार्थी (Student) महोत्सवापूर्वी एक लघु विज्ञान चित्रपट सादर करेल, ज्याचे मूल्यांकन ज्युरींद्वारे केले जाईल. विजेत्या चित्रपटांना महोत्सवादरम्यान पुरस्कार आणि पारितोषिक म्हणून रोख रक्कम दिली जाईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com