Samosa Recipe: घरीच झटपट बनवा स्वादिष्ट समोसा, नोट करा रेसिपी

samosa recipe make tasty samosa at home

बदलत्या ऋतूत खाण्यापिण्याचा एक वेगळाच आनंद असतो. समोसे खायला सर्वांनाच आवडतात. सकाळी किंवा संध्याकाळी चहासोबत खायला गरमागरम समोसे मिळाले तर मज्जा द्विगुणित होते. भारतात प्रत्येक रस्त्यावर आणि परिसरात तुम्हाला समोसे बनवलेले दिसतील, परंतु काहीवेळा असे घडते की लोक बाहेरचे समोसे खाणे टाळतात. तुम्हाला जर समोसे घरीच बनवायचे असेल आणि कुटुंबातील सदस्यांचे मन जिंकायचे असेल तर पुढील रेसिपी नक्की ट्राय करू शकता.

समोसे बनवण्यासाठी लागणारे साहित्य

मैदा

बटाटा

हिरवी मिरची

कोथिंबीर 

आल 

1 चमचा मिरची पावडर

1 टीस्पून हळद पावडर

1/2 टीस्पून गरम मसाला

छोटा चमचा हिंग

छोटा चमचा ओवा

मीठ चवीनुसार

तेल गरजेनुसार

समोसा बनवण्याची कृती

समोसा तयार करण्यासाठी सर्वात पहिले मैदा एका मोठ्या भांड्यात काढा. यानंतर या पिठात मीठ आणि ओवा घाला. नीट मिक्स केल्यानंतर त्यात पाणी घालून पीठ मळून घ्या. पीठ मळून झाल्यावर बाजूला ठेवा. यानंतर एक पॅन घ्या आणि त्यात तेल गरम करा.

आता त्यात उकडलेले बटाटे घालून चांगले मॅश करा. आता या बटाट्यांमध्ये हिरवी मिरची, कोथिंबीर, आलं, मीठ, तिखट, हळद, गरम मसाला, हिंग आणि ओवा घाला. आता ते चांगले तळून घ्या. व्यवस्थित भाजल्यावर बटाटे एका प्लेटमध्ये काढून घ्या.

आता समोसे बनवण्यासाठी मळलेल्या पिठाचा गोळा घ्या आणि त्याला गोल आकारात लाटून घ्या. आता त्याचे मधून दोन भाग करा आणि एक भाग उचला. एक भाग त्रिकोणी करा आणि त्यात बटाटे भरा.

पाण्याच्या मदतीने वरच्या भागावर चिकटवा. अशा प्रकारे सर्व समोसे तयार करा. आता हे समोसे तयार आहेत. हवे असल्यास तेलात तळून घ्या. तेलकट समोसा खायचा नसेल तर एअर फ्रायही करू शकता.