Recipe: फक्त बटाटाच नाही तर पनीर टिक्कीचाही घेऊ शकता आस्वाद, नोट करा रेसिपी

Paneer Tikki Recipe: तुम्ही बटाटा टिक्की खाऊन बोरं झाले असाल तर पनीर टिक्कीचा आस्वाद घेऊ शकता. पनीर हे फक्त खायलाच नाही तर आरोग्यदायी देखील मानले जाते. त्यामुळे पनीरपासून अनेक स्वादिष्ट पदार्थ बनवले जातात. कधीकधी पनीरची भाजी बनवण्यासाठी खुप वेळ लागतो. पण तुम्ही पनीरपासून झटपट तयारी होणारी डिश म्हणजेच पनीर टिक्की तयार करू शकता. जी खायला चवदार आणि पौष्टीक आहे. ही डिश बनवायला सोपी आहे. चला तर मग जाणून घेऊया कशी बनवायची पनीर टिक्की

• पनीर टिक्की बनवण्यासाठी लागणारे साहित्य

पनीर

लाल मिरची पावडर - 1 टीस्पून

हिरवी मिरची - 3

जिरं- 1 टीस्पून

बेसन - अर्धी वाटी

काजू - 1 टीस्पून

काळे मीठ - 1 टीस्पून

लिंबाचा रस - 1 टीस्पून

तूप - १ चमचा

मीठ - चवीनुसार

• कृती

पनीर टिक्की बनवण्यासाठी सर्वात पहिले पनीर स्वच्छ धुवावे आणि बारिक खिस करावा.

नंतर त्यात तिखट, हिरवी मिरची, काळं मिरं आणि काजू पावडर असे सर्व मसाले घालून मिक्स करावे.

हे मिश्रण चांगले मिक्स केल्यानंतर त्यावर बेसन आणि तूप घालून टिक्की बनवावी. टिक्की झाल्यावर एका प्लेटमध्ये ठेवावे.

नंतर एका पॅनमध्ये मंद आचेवर तेल गरम करावे. नंतर टिक्की तपकिरे होईपर्यंत दोन्ही बाजूंनी तळून घ्यावे.

नंतर एका प्लेटमध्ये काढून लाल आणि हिरव्या चटणीसोबत गरमागरम सर्व्ह करू शकता.

टिप: तुम्ही बटाटा देखील वापरू शकता .