Pitru Paksha: पितृपक्षात चुकूनही 'या' 5 गोष्टी करू नका दान,अन्यथा पितृदोषापासून मिळणार नाही मुक्ती

Pitru Paksha: पितृ पक्षात वस्तु दान करण्याला खुप महत्व आहे. कारण पितृपक्षात दान करणाऱ्याला दुप्पट पुण्य मिळते असे मानले जाते. तसेच पुर्वजांच्या आत्म्याला देखील शांती मिळते. परंतु पितृपक्षाच्या काळात दान करताना काही गोष्टींची काळजी घेणे गरजेचे आहे. चला तर मग जाणून घेऊया पितृ पक्षात कोणत्या वस्तूंचे दान करू नये. कारण या वस्तूंचे दान केल्याने तुमचे पूर्वज तुमच्यावर नाराज होऊ शकतात आणि तुम्हाला पितृदोषाचा सामना करावा लागू शकतो. 

• तेल

पितृ पक्षात तेल दान करणे अशुभ मानले जाते. पितृपक्षात तेल दान केल्याने तुमचे पूर्वज तुमच्यावर नाराज होऊ शकतात, असा समज आहे. विशेषत: चुकूनही मोहरीचे तेल दान करू नका.

• जुने कपडे

पितृपक्षात कपडे दान करायचे असेल तर फक्त नवीन कपडे दान करावे. तुमचे जुने आणि निरुपयोगी कपडे कोणालाही दान करू नका. तसेच बूट आणि चप्पल देखील दान करू नका. कारण असे दान केल्याने व्यक्तीवर राहू दोष आणि पितृदोषाचा प्रभाव पडतो. त्यामुळे तुमची प्रगती होत नाही.

• उष्टे अन्न

पितृ पक्षात अन्नदान करणे खूप शुभ मानले जाते. याशिवाय शास्त्रात असेही सांगितले आहे की अन्नदान करणे हे श्रेष्ठ दान आहे. पितृपक्षात अन्नदान करायचे असेल तर चांगले अन्नदान करा आणि उष्ट अन्न कोणालाही देऊ नका. पितृपक्षात एखाद्याला चांगले आणि शुद्ध अन्न दिल्याने पूर्वज प्रसन्न होतात.

• लोखंडी भांडे

पितृ पक्षाच्या काळात अनेकजण भांडी दान करतात, पण लक्षात ठेवा की लोखंडी भांडी दान करू नका. लोखंडाचे भांडे दान केल्याने तुमचे पूर्वज तुमच्यावर नाराज होऊ शकतात आणि तुमच्यावर पितृदोषाचा आरोप होऊ शकतो. त्यामुळे फक्त स्टीलची भांडी दान करावी.

• काळे कपडे

पितृ पक्षात व्यक्तीने काळ्या रंगाचे कपडे कोणालाही दान करू नयेत. पितृ पक्षामध्ये पांढर्‍या रंगाचे कपडे व्यक्तीला दान करावेत. पांढऱ्या रंगाचे कपडे दान केल्याने आपले पूर्वज आपल्यावर प्रसन्न होतात.