Relationship Tips: लैंगिक संबंधावेळी तुम्हालाही वेदना होतात? मग असू शकतात ही कारणे, वेळीच...

Pain During Sexual Intercourse : जोडीदारांमधील संभोग हा नेहमी रोमांचक आणि आनंददायक असावा. परंतु काही वेळा तो इतका मजेदार नसतो आणि हा अनुभव वेदनादायक असू शकतो.

वेदनादायक लैंगिक संबंध तुमच्या नात्यासाठी खूप त्रासदायक ठरू शकतो. खूप दिवसांनी सेक्स केल्याने देखील वेदना होऊ शकतात. वेदना होण्यामागील कारणे आणि त्यावरील उपाय जाणून घ्या.

लैंगिक संबंधावेळी या कारणांमुळे वेदना होऊ शकतात :

1. योनीतील कोरडेपणा

जर योनीमध्ये कोरडेपणा असेल तर नक्कीच संबंध ठेवताना वेदना होऊ शकतात. दीर्घकाळ जर तुमच्या नात्यात संबंध आले नसतील तर असा त्रास होऊ शकतो. दीर्घकाळ संभोग न केल्यावर योनी आकुंचन झाल्यामुळे तुम्हाला वेदना होऊ शकतात.

2. योनीतील संसर्ग

तुमच्या योनीमध्ये संसर्ग झाला असेल तर लैंगिक संबंधावेळी किंवा त्यानंतर तुम्हाला वेदना जाणवू शकतात. अनेकदा अशावेळी योनीतून रक्तही येऊ शकते. याकडे कधीही दुर्लक्ष करू नये. जर योनीमध्ये आधीच जळजळ, वेदना होत असतील तर काही काळ लैंगिक संबंध ठेऊ नये. असे केल्याने त्रास आणखी वाढू शकतो. संसर्ग पूर्ण बरा झाल्यानंतर संबंध ठेवायला हरकत नाही.

लैंगिक संबंधावेळी वेदना टाळण्यासाठी हे उपाय वापरा

• वंगण वापरा

लैंगिक संबंधादरम्यान वेदना टाळण्यासाठी सर्वात सोप्या मार्गांपैकी एक म्हणजे पुरेसे वंगण असल्याची खात्री करणे. जर तुम्हाला वंगणाची कमतरता जाणवत असेल, जी अनेकदा गर्भधारणा किंवा रजोनिवृत्तीनंतर उद्भवते, तर पाणी-आधारित सिंथेटिक वंगण तुम्ही वापरू शकता.

• घाई टाळा

संबंधावेळी जास्त घाई करू नका; कारण त्यामुळे वेदना आणखी वाढू शकतात. यासाठी फोरप्ले करणे ही चांगली कल्पना आहे, जास्त काळ फोरप्ले केल्याने तुमचे नैसर्गिक वंगण स्त्रवले जाते. अशावेळी दोघांनी उत्तेजित होण्यासाठी एकमेकांना पुरेसा वेळ देणे गरजेचे आहे.

Disclaimer: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.