Morning Recipe: सकाळच्या वेळी महिलांची धावपळ असते. या धावपळीत झटपट हेल्दी नाश्ता बनवण्यासाठी जास्त वेळ नसतो. अशा वेळी झटपट तयार होणाऱ्या रेसिपी बनवल्या जातात. आज आम्ही तुम्हाला झटपट तयार होणारी रेसीपी सांगणार आहोत. जी लहान मुलांपासून मोठ्यांपर्यंत देखील आवडेल. चीज पराठा झटपट तयार होत असून ते हेल्दी देखील आहे. चला तर मग जाणून घेऊया टेस्टी चीज पराठा कसा बनवायचा.
चीज पराठा बनवण्यासाठी लागणारे साहित्य
- 1 कप गव्हाचे पीठ
- चीज स्लाईस
- ओरेगॅनो
- बारीक केलेली लाल मिरची
- मीठ
- बटर किंवा तूप
चीज पराठा बनवण्याची कृती
सर्वात पहिले गव्हाचे पीठ मळून घ्यावे. नंतर पीठाचा गोळा घ्यावा आणि त्याची पोळी लाटून घ्यावी. नंतर त्यात मधोमध एक चीज स्लाइस ठेवावे. स्लाइसच्या वर ओरेगॅनो मिक्स आणि बारीक केलेल्या लाल मिरच्या घालावे. तुम्ही चिली फ्लेस सुद्धा वापरू शकता. आता त्यावर चवीनुसार मीठ देखील घालावे.
ही पोळी चारही बाजूंनी फोल्ड करून चौकोनी बनवावी. वरून थोडे कोरडे पीठ शिंपडा आणि हलकेच लाटून घ्यावे. लाटून झाल्यावर त्यावर लसूण आणि बटर मिक्स लावावे. तवा गरम करून त्यावर तयार केलेला चीज भरलेला पराठा घालावा. बटर किंवा तूप लावून दोन्ही बाजूंनी गोल्डन ब्राऊन भाजून घ्यावे. तुमचा टेस्टी चीज पराठा तयार आहे. तुम्ही हे टोमॅटो सॉस किंवा नुसताच सुद्धा सर्व्ह करू शकता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.