Monsoon Travel Tips: पावसाळ्यात भटकंती करायचा विचार करत असाल तर बॅगमध्ये 'या' गोष्टी ठेवाच...

Monsoon Travel Tips: पावसाळ्यात अनेक लोकांना भटकंती करायला आवडते. तर अनेक लोक पावसाळ्यात फिरालया जायचे म्हणून आतुरतेने पावासाची वाट पाहतात.जर तुम्हीही अशाच लोकांमध्ये असाल आणि पावसाळ्यात भटकंती करायाला विचार करत असाल तर ही बातमी तुमच्यासाठी आहे. पावसाळ्यात घराबाहेर पडण्यापुर्वी बॅगमध्ये काही गोष्टी असणे गरजेचे आहे. यामुळे तुम्ही पावसाचा बिनधास्त आनंद घेऊ शकता.

• पावसाळ्यातील प्लास्टिक मोबाइल कव्हर

पावसाळ्यात (Monsoon) फिरायला गेल्यावर प्रत्येक क्षण आपल्याला जतन करून ठेवण्यासाठी मोबाईल वापरतो. यासाठी मोबाईलमध्ये फोटो, व्हिडिओ घेतांना काळजी घ्यायाला हवी. पावसाळ्यात मोबाईल पाण्यात भिजू नये म्हणून प्लास्टिक मोबाइल कव्हर (Mobile Cover) वापरावी. यामुळे मोबाईल खराब होणार नाही.

• छत्री किंवा रेनकोट

पावसाळ्यात भिजायला अनेक लोकांना आवडते.पण वारंवार पावसात भजत असाल तर आरोग्यासाठी धोकादायक ठरू शकते. खास करून प्रवास करतांना भिजणे टाळावे.त्यामुळे पॅकिंग करतांना बॅगमध्ये रेनकोट किंवा छत्री छेवावी.

• शू फ्रेशनर

पावसाळ्यात चप्पल पुन्हा-पुन्हा पाण्यात भिजत असताना त्यातून एक वेगळाच वास येऊ लागतो. हा वास तुम्हालाच त्रास देत नाही तर तुमच्या आजूबाजूच्या लोकांनाही त्रास देतो. त्यामुळे पॅकिंगच्या वेळी शू फ्रेशन ठेवावे. तसेच प्रवासादरम्यान शूज काढताना त्यात शू फ्रेशनर टाका. यामुळे तुमच्या शूजला कधीही दुर्गंधी येणार नाही.

• वॉटरप्रूफ शूज

पावसाळ्यात प्रवासादरम्यान नेहमी वॉटरप्रूफ शूज घालावे. हे शूज वरून भिजत असले तरी ते आतून कोरडे राहतील आणि त्यामुळे तुम्हाला चालताना कोणतीही अडचण येणार नाही. यामुळे तुम्ही प्रवासाचा आनंद घेऊ शकाल.

• औषधी

पावसाळ्यात अनेक प्रकारचे संसर्ग होतात. म्हणूनच तुम्ही तुमच्या ट्रॅव्हल पॅकमध्ये एक छोटा फर्स्ट एड बॉक्स ठेवणे गरजेचे आहे. जर तुम्हाला संपूर्ण बॉक्स ठेवायचा नसेल तर अँटिबायोटिक्स जरूर ठेवावे.