Men's Skin Care: दाढी केल्यानंतर पुरूषांनी चेहऱ्याची कशी काळजी घ्यावी?

Men's Skin Care: अनेक पुरूष आठवड्यातून एक किंवा दोन वेळा शेव्हिंग करतात. शेव्ह केल्यानंतर त्वचा अगदी कोरडी पडते. तर काही लोकांना खाज आणि पिंपल्सची समस्या जाणवते. तर काही लोकांचे चेहरे लाल होतात.

पण या समस्या कमी करायच्या असेल तर तुम्ही काही घरगुती वस्तु लावून करू शकता. चला तर मग जाणून घेऊया की पुरूष चेहऱ्यावर काय लावू शकता.

• बर्फ लावा

पुरूषांनी शेव्हिंग केल्यानंतर चेहऱ्यावर बर्फ चोळावा. यासाठी एक बर्फाचा तुकडा घ्यावा आणि जळजळ होत असलेल्या भागावर चोळावे. तसेच यामुळे खाज देखील कमी होईल.

• खोबऱ्याचे तेल

शेव्हिंग केल्यानंतर खोबरेल तेल लावल्यास बॅक्टेरियाच्या वाढीस प्रतिबंध होते. त्वचा आतून हायड्रेट राहते. तसेच चेहऱ्यावरील खाज थांबवते. चेहऱ्यावरील पिंपल्स कमी होतात.

• तुरटी लावावी

दाढी केल्यानंतर चेहऱ्यावर तुरटी लावावी. तसे तर ही पद्धत खूप जुनी आहे. नेहमीच पुरूष याचा वापर करतात. तुरटीमध्ये बॅक्टेरियाच्या वाढीस प्रतिबंध करणारा पदार्थ आणि अँटीफंगल गुणधर्म असतात जे दाढी केल्यानंतर मुरुमांपासून बचाव करतात.यामुळे दाढी केल्यानंतर तुरटी लावावी.

• कोरफड जेल

शेव्हिंग केल्यानंतर चेहऱ्यावर कोरफड जेल लावावे. कोरफड तुमच्या चेहऱ्याला आतून हायड्रेट करण्यास आणि मॉइश्चरायझ करण्यास मदत करते. तसेच त्वचेवर होणारी जळजळ कमी करते. त्यामुळे शेव्हिंग केल्यानंतर थोडे कोरफड जेल घ्या, त्यात कोमट पाण्यात मिसळा आणि चेहऱ्याला लावा.

(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)