Lucky Plant: मनी प्लांट योग्य दिशेने ठेवल्यास दूर होतील घरातील समस्या

अनेक लोकांच्या घरात मनी प्लांट असतो. असे बोलले जाते की मनी प्लांट लावल्याने घरातील पैशाची अडचण दुर होते. याच्या नावाप्रमाणेच ‘मनी’ लोकांचा असा विश्वास आहे की हे रोप घरात लावल्याने पैसाचा पाऊस पडतो. मनी प्लांट कोणत्या दिशेने ठेवावे हे महत्वाचे आहे. वास्तुशास्त्रानुसार (Vastu Tips) तुमच्या मनी प्लांटची स्थिती आणि दिशा तुमच्या मानसिक आरोग्यावर खूप प्रभाव पाडते.पण जर मनी प्लांट योग्य पद्धतीने लावला तरच त्याचे शुभ परिणाम मिळतात. म्हणूनच, जर तुम्हालाही तुमच्या घरात लक्ष्मीचा आशीर्वाद हवा असेल तर जाणून घ्या मनी प्लांट लावण्याची योग्य दिशा कोणती आहे. (Vastu Tips For Money plant News)

वास्तुशास्त्रानुसार (Vastu Tips) असे मानले जाते की मनी प्लांट कधीही जमिनीच्या दिशेने म्हणजेच खालच्या दिशेने वाढू लागते. हे नेहमी वरच्या दिशेने लावावे जेणेकरून ते वरच्या दिशेने वाढेल. कारण त्याची खालच्या दिशेने वाढ ही अपयशाचे प्रतीक मानली जाते आणि वरच्या दिशेने वाढ यशाचे प्रतीक मानले जाते.

यासोबत असे सांगितले जाते की मनी प्लांट नेहमी योग्य दिशेला लावावे. कारण चुकीच्या दिशेला ठेवल्यास त्याचे वाईट परिणाम होउ शकतात. मनी प्लांट नेहमी दक्षिण-पूर्व दिशेला लावावा, असे केल्याने तुम्हाला फायदा मिळेल. याशिवाय मनी प्लांट लावताना हे नेहमी स्वच्छ जागेवर लावावे.

वास्तुशास्त्र तज्ज्ञानुसार शुक्रवारी मनी प्लांटमध्ये लाल फिती बांधल्याने तुम्हाला आर्थिक लाभ होउ शकतो. कारण हिंदू मान्यतेनुसार लाल रंग खूप शुभ मानला जातो. या रंगाची रिबन मनी प्लांटमध्ये बांधल्याने तुम्हाला यश मिळण्याची अपेक्षा आहे.