शरीराला ताजेतवाने ठेवण्यासाठी आणि पाण्याची कमतरता भरून काढण्यासाठी लिंबू पाणी हा एक उत्तम पर्याय मानला जातो. पण जसे याचे फायदे आहेत, तसेच काही तोटेही आहेत जे सर्वांनाच माहित नसतात. विशेषतः काही विशिष्ट आजार असलेल्या लोकांनी लिंबू पाणी पिण्याआधी डॉक्टरांचा सल्ला घेणे गरजेचे असते.
उन्हाळ्यात शरीरातील पाण्याची कमतरता भरून काढण्यासाठी लिंबू पाणी प्रभावी ठरते. त्यात साखर आणि मीठ मिसळल्यास ते ओरल रिहायड्रेशन सोल्यूशन (ORS) सारखे काम करते.
लिंबामध्ये असणारे सायट्रिक अ‍ॅसिड शरीरातील चरबी वितळवण्यास मदत करते. सकाळी उपाशीपोटी कोमट पाण्यात लिंबू पिळून घेतल्यास वजन घटण्यास मदत होते, असा विश्वास आहे.
लिंबू पाण्यामुळे जठरातील आम्लपातळता नियंत्रित राहते. त्यामुळे अ‍ॅसिडिटी, अपचन, गॅस यांसारख्या समस्या कमी होतात.
लिंबूमध्ये व्हिटॅमिन C भरपूर प्रमाणात असते, जे त्वचेला उजळ आणि निरोगी ठेवण्यास मदत करते. अँटीऑक्सिडंट्समुळे सुरकुत्या आणि वयोपरत्वे होणारे बदल उशीराने होतात.
व्हिटॅमिन C हे रोगप्रतिकारक शक्ती वाढवणारे एक महत्त्वाचे पोषकतत्त्व आहे. त्यामुळे नियमित लिंबू पाणी पिल्याने सर्दी, खोकला, ताप अशा किरकोळ आजारांपासून संरक्षण मिळते.
लिंबू पाणी अ‍ॅसिडिक असते. ज्यांना आधीच अ‍ॅसिडिटी किंवा गॅस्ट्रिक अल्सरची समस्या आहे, त्यांनी लिंबू पाणी पिणे टाळावे किंवा मर्यादित प्रमाणात घ्यावे.
अत्यंत आंबट लिंबू पाणी नियमितपणे प्यायल्यास त्यातील आम्लामुळे दातांच्या बाहेरील थरावर परिणाम होतो आणि दात कमकुवत होण्याचा धोका निर्माण होतो.
लिंबू पाण्यात ऑक्सालेट असते, जे काही लोकांमध्ये किडनी स्टोन (मूत्रपिंडातील दगड) वाढवण्याचे काम करू शकते. विशेषतः ज्यांना याचा पूर्वी त्रास झाला आहे, त्यांनी डॉक्टरांचा सल्ला घेऊनच लिंबू पाणी प्यावे.
काही लोकांना सायट्रस फळांपासून अ‍ॅलर्जी असते. अशा लोकांनी लिंबू पाणी पिल्यास त्वचेवर पुरळ, खाज, डोकेदुखी, पोटदुखी अशा लक्षणांचा त्रास होऊ शकतो.
अ‍ॅसिडिटी आणि गॅस्ट्रिक अल्सरचे रुग्ण
दात कमकुवत असलेले लोक
किडनी स्टोनचा त्रास
सायट्रस फळांपासून अ‍ॅलर्जी असलेले
लहान मुले (अत्यंत आंबट लिंबू पाणी दिल्यास त्रास होऊ शकतो)
लिंबू पाणी हे शरीरासाठी फायदेशीर असले तरी प्रत्येक गोष्टीचे प्रमाण महत्वाचे असते. काही लोकांसाठी हे अमृतासमान असले तरी काहींसाठी ते त्रासदायक ठरू शकते.
त्यामुळे कोणत्याही नैसर्गिक उपायाचा अवलंब करताना आपल्या शरीराच्या गरजा, आजारांची पार्श्वभूमी आणि डॉक्टरांचा सल्ला यांचा विचार करणे आवश्यक आहे.
डिस्क्लेमर : सदर लेख फक्त सामान्य माहितीसाठी आहे. दैनिक गोमन्तक अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.