Indian Sitting Eating Style : फक्त भारतीय संस्कृतीच नाही जमिनीवर बसून जेवणे; तर आरोग्यासाठीही आहेत खूप फायदे

Indian Sitting Eating Style Benefits : भारतीय संस्कृतीत, जमिनीवर बसून एकाच स्थितीत जेवण करणे ही योग्य पद्धत मानली जाते, परंतु गेल्या काही दशकांमध्ये जेवणाच्या सवयींमध्ये टेबलावर बसून जेवण्याचा ट्रेंड खूप वाढला आहे.

खरे तर शास्त्रीयदृष्ट्या हे वर्ज्य करण्यास सांगण्यात येते. लग्न आणि पार्ट्यांमध्ये, लोक उभे राहूनही जेवायला लागतात, अशा परिस्थितीत कोणती खाण्याची पद्धत योग्य आहे हे समजून घेणे आवश्यक आहे.

(Indian Sitting Eating Style Benefits )

जमिनीवर बसून खाणे का फायदेशीर आहे?

जर आपण नीट बसून जेवललो नाही, तर अन्नाचे पचन बिघडते आणि आपण अनेक आजारांना बळी पडू शकतो. अशा स्थितीत बहुतेक आरोग्य तज्ज्ञ जमिनीवर पायाची मांडी घालून जेवण करण्याचा सल्ला देतात. असे केल्याने काय फायदे होतात ते जाणून घेऊया.

1. खाण्यावर लक्ष केंद्रित

अन्न चावून खाणे महत्वाचे आहे, तसेच जर तुम्ही जमिनीवर बसून जेवत असाल तर तुमचे संपूर्ण लक्ष अन्नावर राहील आणि या स्थितीत तुम्ही अन्न नीट चावले तर कोणतीही तक्रार होणार नाही.

2. जास्त खाण्यावर नियंत्रण

बसण्यापेक्षा खाण्यावर जास्त लक्ष केंद्रित केले जाणार असल्याने तुम्ही जास्त अन्न खाण्यापासून वाचाल. लक्षात ठेवा की जास्त खाल्ल्याने पोट फुगणे आणि जडपणाच्या तक्रारी निर्माण होतात. जेव्हा तुम्ही तुमच्या गरजेपेक्षा जास्त अन्न खात नाही, तेव्हा वजन वाढण्याची समस्या उद्भवणार नाही. लठ्ठपणा टाळला तर हृदयविकार, उच्च रक्तदाबाचा धोकाही कमी होतो.

3. हाडांमध्ये वेदना होणार नाहीत

जमिनीवर मांडी घालून बसून खाल्ल्याने, तुमचा पाठीचा कणा आणि मान या दोन्ही भागांना उत्तम ताण येतो, ज्यामुळे शरीर आणि मनाला विश्रांती मिळते, तुम्हाला दीर्घकाळापर्यंत पाठदुखी किंवा हाडेदुखीचा त्रास होत नाही.