Hara Bhara Kabab Recipe: तोंडाची चव बदलेल 'हरा भरा कबाब!' एकदा नक्की ट्राय करा

तुमच्या तोंडाला चव नसेल तर ही रेसिपी नक्की ट्राय करा.
Hara Bhara Kabab Recipe
Hara Bhara Kabab RecipeDainik Gomantak

Hara Bhara Kabab Recipe: हरा भरा कबाब हा अनेकांचा अतिशय आवडीचा पदार्थ आहे. हे कबाब स्नॅक म्हणून किंवा लंच किंवा डिनरमध्ये स्टार्टर म्हणून मोठ्या चवीने खाल्ले जातात.

हे चवदार असण्यासोबतच हा पदार्थ अतिशय आरोग्यदायीही (Healthy) आहे. जर तुम्ही घरी पार्टी आयोजित केली असेल तर स्टार्टर म्हणून हरा भरा कबाब बनवता येईल.

हिरवे कबाब बनवण्यासाठी पालक, बटाटे, मटार यासह मसाल्यांचा वापर केला जातो. हरा भरा कबाब तुम्ही घरी हॉटेलप्रमाणे तयार करू शकता. हरा भरा कबाब (Hara Bhara Kabab) बनवणे खूप सोपे असुन झटपट तयार होते. जर तुम्हालाही हा पदार्थ बनवाचा असेल तर ही रेसिपी आजच नोट करा.

  • हरा भरा कबाब बनवण्यासाठी लागणारे साहित्य

पालक - 2 कप

वाटाणे - 1/2 कप

उकडलेले बटाटे - 2-3

किसलेले आले - 1/2 टीस्पून

हिरवी मिरची - 1/2

ब्रेडक्रंब - 3 टेस्पून

भाजलेले बेसन - 3 चमचे

हळद - 1/4 टीस्पून

गरम मसाला - 1/4 टीस्पून

वेलची पावडर - 1 चिमूटभर

सुका आंबा - 3/4 टीस्पून

कोथिंबीर - 3 चमचे

तेल - 3 चमचे

मीठ - चवीनुसार

Hara Bhara Kabab Recipe
Chicken Popcorn Recipe: नॉनव्हेज प्रेमींनो घरीच झटपट तयार करा टेस्टी चिकन पॉपकॉर्न

हरा भरा कबाब बनवण्याची कृती

चवदार कबाब बनवण्यासाठी सर्वपहिले पालक स्वच्छ धुवून घ्यावा. यानंतर, बटाटे आणि वाटाणे उकळवा. यानंतर बटाटे सोलून घ्या. आता एका भांड्यात पाणी गरम करून त्यात पालक टाकून उकळवा.

पालक काही वेळ उकळल्यानंतर पालक गाळून घ्या म्हणजे पाणी पूर्णपणे निघून जाईल. यानंतर लगेचच पालक थंड पाण्यात टाका आणि सुमारे 1 मिनिट ठेवल्यानंतर ते पाण्यातून बाहेर काढा. यानंतर पालकाचे बारीक तुकडे करा.

नंतर एका कढईत 1 चमचा तेल टाका आणि मध्यम आचेवर गरम करा. तेल गरम झाल्यावर त्यात उकडलेले वाटाणे घालून 1-2 मिनिटे परतावे. यानंतर चिरलेला पालक आणि चवीनुसार मीठ घालून मिक्स करून सर्व गोष्टी तळून घ्या.

पालक आणि मटारचे पाणी पूर्णपणे सुकल्यावर त्यात हिरवी कोथिंबीर आणि हळद टाका आणि मिक्स करून आणखी 1 मिनिट परतून घ्या, त्यानंतर गॅस बंद करा. आता हिरवी मिरची आणि आले बारीक वाटून घ्या आणि उकडलेले बटाटे किसून घ्या. एका भांड्यात किसलेले बटाटे, हिरवी मिरची आले पेस्ट, गरम मसाला, सुकी कैरी पावडर, वेलची पूड घालून मिक्स करा. यानंतर मिश्रणात भाजलेले बेसन, ब्रेडचा चुरा आणि मीठ मिसळा. शेवटी पालक आणि वाटाणे घालून सर्व साहित्य चांगले मॅश करा आणि मिश्रण तयार करा.

आता थोडेसे मिश्रण हातात घेऊन कबाबचा गोल आकार द्या. सर्व मिश्रणातून हिरवे कबाब बनवा. आता एक नॉनस्टिक पॅन गरम करून त्यावर थोडे तेल घाला.

तव्याच्या क्षमतेनुसार कबाब ठेवा आणि भाजून घ्या. थोड्या वेळाने, कबाब उलटा करा आणि सर्व बाजूंनी थोडे तेल घाला. काही वेळाने कबाब सोनेरी आणि कुरकुरीत झाले की ताटात काढा. तसेच सर्व हिरवे कबाब भाजून घ्यावेत. चविष्ट कबाब तयार आहेत. त्यांना हिरवी चटणी किंवा सॉस बरोबर सर्व्ह करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com