Home Remedies For Knee Pain: गुडघेदुखीच्या वेदना 'या' 4 घरगुती उपायांनी होतात चुटकीसरशी दूर

Home Remedies For Knee Pain: जगभरात वृद्धासह तरूणामध्ये देखील गुडघेदुखीची समस्या वाढत आहे. या समस्येमागे अनेक कारणे असू शकतात. चुकीची लाइफस्टाइल, पोषक घटकांचा अभाव, किंवा अपघात यामुळे ही समस्या निर्माण होऊ शकते. परंतु दिर्घकाळापासून ही या समस्येचा त्रास होत असेल तर काही घरगुती उपाय करू शकता. यामुळे तुम्हाला या समस्येपासून आराम मिळेल.

• आलं

आलं अनेक आजारांना दूर ठेवण्यास मदत करतो. आल्यामध्ये अनेक पोषक घटक असतात. आल्याचा वापर करून तुम्ही गुडघेदुखीच्या वेदना कमी करू शकता. तसेच सांधेदुखीच्या वेदनेवर देखील आलं फायदेशीर ठरतो. यासाठी कोमत पाण्यात आल्याचे छोटे तुकडे उकळावे आणि गाळून घ्यावे. नतंर त्यात थोडे मध आणि लिंबाचा रस टाकून सेवन करावे. हे पाणी रोज प्यायल्याने गुडघेदुखीची समस्या कमी होईल.

• हळद

हळद आरोग्यासाठी फायदेशीर मानली जाते. हळदीमध्ये अनेक प्रकारचे औषधीयुक्त गुणधर्म असतात. यामध्ये बॅक्टेरियाशी लढण्याची क्षमता असते. या गुणधर्मामुळे गुडघेदुखीपासून आराम मिळतो. यासाठी गरजेनुसार एक चमचा हळद पावडर पाण्यात टाकून पेस्ट बनवावी आणि नंतर गुडघ्यांवर लावावी. असे दिवसातून दोनदा केल्यास गुडघेदुखीची समस्या कमी होईल.

• कोरफड

कोरफडचा वापर आरोग्यासह केस, त्वचेसाठी देखील केला जातो. कोरफडचा रस लावल्याने गुडघेदुखी आणि त्वचेची होणारी जळजळ कमी होऊ शकते. यासाठी कोरफड रसामध्ये हळद मिक्स करून गुडघ्यावर लावावे. यामुळे गुडघेदुखीची समस्या दूर होऊ शकते

• कापूर तेल

गुडघेदुखीचा त्रास होत असेल तर तुम्ही कापराच्या तेलाचा वापर करू शकता. यासाठी एक चमचा कापूर तेलमध्ये खोबरेल तेल मिक्स करावे आणि चांगले गरम करा. नंतर तेल थंड झाल्यावर दिवसातून दोनदा गुडघ्यांना मालिश करावी. यामुळे गुडघेदुखीची समस्या कमी होण्यास मदत मिळते.