उच्च रक्तदाब यकृतासाठी धोकादायक? डॉक्टरांकडून जाणून घ्या लक्षणे आणि बचावाचे उपाय

High BP Disease Can Also Damage Liver Follow This Prevention Tips

उच्च रक्तदाब किंवा ब्लड प्रेशरमुळे अनेक आरोग्याच्या समस्या उद्भवू शकतात. या आजाराची लक्षणे उशिरा दिसून येतात. म्हणूनच या आजाराला 'सायलेंट किलर' म्हणतात. उच्च रक्तदाब हृदय आणि मेंदूवर परिणाम करतो, पण तुम्हाला माहिती आहे का की हा आजार यकृतालाही नुकसान पोहोचवू शकतो? हाय बीपीलिवर फाइब्रोसिसचेही कारण ठरु शकते. जेव्हा यकृत वारंवार खराब होते आणि जखमा होऊ लागतात तेव्हा लिवर फाइब्रोसिस होतो. यामुळे यकृताचे कार्य बिघडू शकते. जर वेळेवर उपचार घेतले नाहीत तर ते लिवर सिरोसिसचेही कारण ठरु शकते. ज्याप्रमाणे हिपॅटायटीस किंवा अल्कोहोलच्या सेवनामुळे यकृताचे आजार होतात, त्याचप्रमाणे उच्च रक्तदाब देखील यकृताला हानी पोहोचवू शकतो.

उच्च रक्तदाब यकृताला कसे नुकसान पोहोचवते?

मेडिसिन डॉक्टर अजय कुमार यांनी सांगितले की, वाढत्या रक्तदाबामुळे यकृतामध्ये योग्य रक्तप्रवाह होऊ शकत नाही. जर ही स्थिती बराच काळ टिकली तर ती स्टेलेट पेशींना सक्रिय करते. जेव्हा अशा पेशी सक्रिय होतात तेव्हा त्या जास्त प्रमाणात कोलेजन आणि इतर मॅट्रिक्स तयार करु लागतात, ज्यामुळे यकृताला हानी पोहोचते. जर तुम्हाला उच्च रक्तदाब असेल आणि पचनाशी संबंधित समस्या असतील तर हे यकृताच्या हानीचे लक्षण असू शकते. अशा स्थितीत त्वरित डॉक्टरांचा सल्ला घ्यावा.

दररोज बीपी तपासला पाहिजे

डॉ. कुमार यांनी पुढे सांगितले की, उच्च रक्तदाब असलेल्या रुग्णांनी दररोज बीपी तपासला पाहिजे. जर तो वाढताच राहिला तर डॉक्टरांच्या सल्ल्यानुसार औषधे घ्यावीत. बीपीच्या आजाराला कधीही हलक्या घेऊ नका. जर तो यकृताला हानी पोहोचवत असेल तर तो धोकादायक आहे.

या लक्षणांकडे लक्ष द्या

थकवा, अशक्तपणा

पोट भरल्यासारखे वाटणे

कावीळ

वजन कमी होणे

पोट नीट साफ न होणे