Healthy Morning Recipe: हेल्दी स्प्राउट्स खाऊन कंटाळा आला तर बनवा स्वादिष्ट थेपला

Healthy Morning Recipe Sprouts Thepla: सकाळच्या नाश्त्यात स्प्राउट्स खाणे फायदेसीर असते. ते बॉडी स्लिम ट्रिम करण्यातही मदत करतात.

या कमी कॅलरी अन्नामध्ये भरपूर प्रथिने असतात. पण तुम्हाला रोज स्प्राउट्स खाण्याचा कंटाळा येत असेल तर आता स्प्राउट्स थेपले तयार करु शकता.

ते तयार करण्यासाठी जास्त प्रयत्न करावे लागणार नाहीत आणि ते काही वेळात तयार होईल. भिजवलेले हरभरे आणि मूग कोंब आल्यानंतर खाल्ले जातात.

त्यामुळे थोडे प्रयत्न करून त्याचे रूपांतर थेपले करता येते. चला तर मग जाणून घेऊया स्प्राउट्सपासून थेपले कसे बनवायचे.

• स्प्राउट्सपासून थेपले बनवण्यासाठी लागणारे साहित्य

- अंकुरलेले मूग आणि हरभरा

- दोन हिरव्या मिरच्या

- बारीक चिरून कोथिंबीर

- बारीक चिरलेली आले

- बारीक चिरलेले लसूण

- गव्हाचे पीठ

- चवीनुसार मीठ

- चिमूटभर हिंग

- हळद

- तेल

• स्प्राउट्सचे थेपले बनवण्याची कृती

स्प्राउट्सचे थेपले बनवण्यासाठी प्रथम मूग आणि हरभरा रात्रभर भिजवा. नंतर त्यातील पाणी गाळून स्वच्छ कपड्यात दिवसभर लटकवावे. जेव्हा त्याला चांगले कोंब येतात तेव्हा ते खाण्यासाठी तयार होते.

या स्प्राउट्स मिक्सीच्या जारमध्ये बारीक करा. नंतर एका भांड्यात काढा. आता या बारीक केलेल्या स्प्राउट्समध्ये गव्हाचे पीठ घाला.

तसेच हळद, चवीनुसार मीठ घालावे. हिरवी मिरची, कोथिंबीर, आले-लसूण पेस्ट घाला. या सर्व गोष्टी नीट मिक्स करा. आवश्यकतेनुसार पाणी घालून पीठ मळून घ्या. आता फक्त या पिठाचा छोटा गोळा घेऊन पोळी लाटून घ्या.

तव्यावर चांगले सोनेरी होइपर्यंत भाजून घ्यावे. स्वादिष्ट स्प्राउट्सपासून बनवलेले थेपला तयार आहेत. त्यांना रायता, दही किंवा चटणीसोबत गरमागरम सर्व्ह करा.