अनेक लोक गोड पदार्थ (Dessert) आवडीने खातात. परंतु अनेकजन लठ्ठपणा आणि मधूमेहामुळे (Diabetes) गोड पदार्थ खाणे टाळतात. अशा परिस्थितीत आपण काही हेल्दी (Healthy Dessert) पदार्थ देखील खाऊ शकतो. हे पदार्थ फक्त हेल्दी (Healthy) नसून चवीला स्वादिष्ट (Delicious) आहेत. ब्ल्युबेरी दहीपासून (Blueberry yogurt) ते चीया चॉकलेट पुडिंगपर्यंत तुम्ही घरीच विविध पदार्थ बनवू शकता. जाणून घेऊया असे कोणते आरोग्यदायी पदार्थ आहेत जे घरी बनवू शकता.
* ब्ल्युबेरी दही
जर तुम्हाला वेगवेगळ्या चवीचे दही खायला आवधात असेल तर तुम्ही ही रेसिपी नक्की करू शकता. ही रेसिपी तयार करण्यासाठी 2 कप ब्ल्युबेरी मिक्स करा. त्यात 2 कप ब्ल्युबेरी मिक्स करा. त्यात 2 कप दही, 1 चमचा चीया दाणे आणि 2 चमचे मध घाला. ते एका भांड्यात चांगले मिक्स करावे. नंतर एक तास फ्रीजमध्ये ठेवावे. याची चव वाढवण्यासाठी ब्ल्युबेरीचे तुकडे वरुण टाकू शकता. खाण्यासाठी तयार आहे तुमची स्वादिष्ट ब्ल्युबेरी दही.
* कस्टर्ड
कस्टर्ड बनवणे खूप सोपे असून काही वेळातच तयार होणार हा पदार्थ आहे. हे तयार करण्यासाठी फक्त कस्टर्ड पावडर, दूध आणि काही फळे घ्यावी. कस्टर्ड बनवण्यासाठी एका भांड्यात 2 कप गरम दूध घ्यावे. यात 2 चमचे कस्टर्ड पावडर टाकावे. दुधात ही पावडर चांगली मिक्स करून घ्यावी. नंतर यात 2 चमचे मध, साखर किंवा गूळ टाकावा. सगळ्यात शेवटी सफरचंद, केळी, आणि द्राक्षे तुम्हाला आवडणारी फळे बारीक चिरून घ्यावी. यांचे मिश्रण चांगले मिक्स करावे. नंतर थोडावेळ फ्रीजमध्ये ठवावे. सर्व्ह कस्टर्ड थंड झाल्यावर खाण्यासाठी तयार आहे.
* केळी मग केक
हेल्डी केकसाठी तुम्ही केळीच मग केक ट्राय करू शकता. हे खायला चवदार आणि हेल्डी आहे. हा पदार्थ तयार करण्यासाठी सर्वात आधी केळी चांगली मॅश करून घ्यावीत. तयार 1 चमचा ब्राऊन शुगर, 1 चमचा दूध आणि 1 चमचा वेनिला एसेन्स चांगले मिक्स करावे. नंतर त्यात 3 चमचे पीठ घालून मिश्रण तयार करावे. मायक्रोवेव्हमध्ये तुम्ही केक शिजवू शकता. सर्वात शेवटी चोको चिप्सने केकची सजावट करू शकता.
* चीया चॉकलेट पुडिंग
चीया चॉकलेट पुडिंग पदार्थ तयार करण्यासाठी तुम्हाला 4 खजूर, 2 चमचे कोको पावडर, 2 चमचे चीया बियाणे आणि 3 ते 4 कप बदाम दूध घ्यावे. आता सर्वात आधी खजूर, चीया बियाणे, बदाम दूध एकत्र मिक्स करून घ्यावे. चांगले एकजीव झालेले मिश्रण एका बाउलमध्ये काढावे. नंतर सेट होण्यासाठी 30 मिनिटे फ्रीजमध्ये ठेवावे. थंड झालेले चिया चॉकलेट पुडिंग सजवण्यासाठी सुकामेवा किंवा चॉकलेटचे बारीक तुकडे टाकावे आणि चिया चॉकलेट पुडिंग सर्व्ह करण्यासाठी तयार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.