Papaya in Winter: बाजारात भरपूर पपई मिळतेय; पण थंडीच्या दिवसांत हे फळ खावं की नाही?

थंडीच्या दिवसांत भरपूर प्रमाणात पपई बाजारात उपलब्ध होते, पण बाजारात आहे म्हणून आपण पपई विकत घ्यावी का? थंडीच्या दिवसांत पपई खावी का? की आपल्याकडून खूप मोठी चूक होतेय? एक गोष्ट लक्षात घ्या की ज्या काळात जे फळ तुमच्यासाठी लाभदायक आहे तेच निसर्ग निर्माण करत असतो त्यामुळे पपई थंडीच्या दिवसांत खाल्ल्याने काहीही त्रास होणार नाही. या फळामध्ये काही विटामिन आणि मिरल्स असतात जे तुमच्या शरीरासाठी अत्यंत लाभदायक आहेत.

पपई खाल्ल्याने शरीरात उष्णता तयार व्हायला मदत मिळते, पपई हे मुळातच उष्ण फळ आहे त्यामुळे थंडीच्या दिवसांत तुम्ही नक्कीच पपई खाल्ल्याने फायदा मिळेल.

पपईमुळे खाल्लेलं अन्न पचायला मदत मिळते तसेच लिव्हरचं आयुष्य देखील वाढतं. तुमच्या शरीरातील न पचलेल्या पदार्थांना शरीराच्या बाहेर पडायला पपई मदत करते आणि म्हणूनच थंडीच्या काळात नक्कीच पपई खावी असं म्हटलं जातं.

तुम्हाला अस्थमा सारख्या रोगांचा त्रास होत असेल तर नक्कीच पपई खा, कारण पपईमुळे आतड्यांना आलेली सूज कमी होते आणि परिणामी अस्थमाचा त्रास होत नाही. रूमेटॉइड आर्थराइटिस किंवा ऑस्टियोआर्थराइटिस सारखे आजार असल्यास नक्कीच पपई खावी कारण पपईमुळे हाडांना पोषण मिळायला मदत होते. तुमच्या शरीराला पपई अनेक प्रकारे मदत करणारा घटक आहे त्यामुळे किमान दिवसांतून एक फळ खाण्याचा प्रयत्न करा आणि त्यामध्ये पपई देखील सामील करायला घाबरू नका.