Headache Relief Tips: औषध न घेताही कमी करता येते डोकेदुखी

 Headache Relief Tips: अनेक वेळा लोकांना डोकेदुखीच्या समस्येला सामोरे जावे लागते. डोकेदुखीची अनेक कारणे असू शकतात. निद्रानाश, हवामानातील बदल, तणाव यामुळे डोकेदुखी होऊ शकते. 

जर तुम्ही डोकेदुखीच्या समस्येने त्रस्त असाल तर औषध न घेता तुम्ही पुढील पद्धतींद्वारे देखील डोकेदुखीपासून मुक्त होऊ शकता. कधी कधी कामाचा ताण हे देखील डोकेदुखीचे कारण असू शकते. चला तर मग जाणून घेऊया हे उपाय कोणते आहेत.

प्रकाश मंद ठेवा

जास्त प्रकाश डोळ्यांवर पडणे देखील चांगले नाही. कधीकधी प्रकाशाच्या तेजामुळे डोकेदुखी देखील होऊ शकते. अशा वेळी डोकेदुखीचा त्रास टाळण्यासाठी रूममधील लाइट्स मंद ठेवा. सूर्यप्रकाशापासून स्वतःचे संरक्षण करण्यासाठी चष्मा वापरा.

मानसिक तणाव कमी करावा

अनेक वेळा काम किंवा इतर कोणत्याही गोष्टीशी संबंधित खूप दबाव असतो. यामुळे देखील तीव्र डोकेदुखी होऊ शकते. मानसिक दबावापासून दूर राहावे. डोकेदुखी टाळण्यासाठी आणि डोकेदुखीपासून आराम मिळवण्यासाठी हा एक चांगला उपाय आहे. कामाच्या लोडमुळे मानसिक दडपणही वाढते. हे टाळण्याचा प्रयत्न करा.

हेड मसाज

डोकेदुखीपासून तात्काळ आराम मिळवण्यासाठी मसाज करणे हा एक चांगला उपाय आहे. मसाज करून तुम्हाला वेदनांपासून आराम मिळू शकतो. डोकेदुखीपासून आराम मिळवण्यासाठी डोक्याच्या मसाजसोबतच कपाळ, मान आणि खांद्यांची मालिश करावी. कधी कधी थकवा आल्यानेही वेदना होतात. मसाज केल्याने तणावही कमी होतो.

कॅफिनचे सेवन

कॅफिनचे सेवन डोकेदुखीमध्ये खूप फायदेशीर आहे. अनेकजण डोकेदुखीवर औषध म्हणून चहाचा वापर करतात. तीव्र डोकेदुखीच्या बाबतीत चहा आणि कॉफीचे सेवन करणे चांगले मानले जाते. जर तुम्हाला डोकेदुखीचा त्रास होत असेल तर चहा किंवा कॉफी प्यायल्याने डोकेदुखणे कमा होऊ शकते.

आल्याचे सेवन

डोकेदुखीवर उपचार करण्यासाठी आल्याचे सेवन करू शकता. आल्याचा चहा घेऊ शकता. यामुळे तुमची डोकेदुखी कमी होऊ शकते. आलं दुधात मिसळूनही वापरू शकता. यामुळे डोकेदुखीपासून बऱ्याच अंशी आराम मिळतो आणि त्याचे कोणतेही दुष्परिणाम होत नाहीत.