Headache Medicine: डोकं दुखायला लागल्यावर तुम्हालाही सतत गोळी घेण्याची सवय आहे? मग ही बातमी तुमच्यासाठी

Headache Medicine : तुम्ही पाहिलं असेल की अनेकदा जेव्हा कुणाचं डोकं दुखतं तेव्हा तो आधी डिस्प्रिन औषध घेतात. हे औषध सुमारे 125 वर्षांपूर्वी विकसित केलेले ऍस्पिरिनचे सुधारित स्वरूप आहे.

असे मानले जाते की हे औषध डोकेदुखीवर खूप प्रभावी आहे. पण तुम्हाला माहीत आहे का की हे औषध घेतल्याने तुमच्या शरीरावर आणखी अनेक दुष्परिणाम होतात. जर तुम्ही हे औषध जास्त काळ घेत असाल तर ते तुमच्या शरीरासाठी किती घातक ठरू शकते. तुम्ही याची कल्पनाही करू शकत नाही.

डिस्प्रिन आहे धोकादायक

डिस्प्रिन टॅब्लेट खाण्यासाठी, तुम्ही ती प्रथम एक कप कोमट पाण्यात घाला आणि ती त्यात विरघळली की लगेच प्या. पण हे औषध तुमच्या रक्तासाठी अत्यंत घातक आहे. हे औषध जास्त प्रमाणात वापरल्याने तुमचे रक्त पातळ होऊ शकते आणि त्याचा तुमच्या पचनसंस्थेवरही खूप वाईट परिणाम होतो.

तुम्ही जर थोड्याशा डोकेदुखीवरही डॉक्टरांच्या सल्ल्याशिवाय Disprin घेत असाल, तर तुम्हाला त्याचे व्यसन देखील होऊ शकते. अशा परिस्थितीत, डोकेदुखीच्या वेळी तुम्हाला डिस्प्रिन दिले नाही तर तुम्ही गंभीरपणे अस्वस्थ व्हाल. दुसरीकडे, ब्रिटिश हार्ट फाउंडेशनचे वैद्यकीय संचालक प्रोफेसर पीटर यांच्या म्हणण्यानुसार, जे लोक दररोज डिस्प्रिनचे सेवन करतात त्यांच्यामध्ये पोट खराब होणे, उलट्या होणे आणि अपचन यांसारख्या समस्या दिसून येतात.

डिस्प्रिन काही प्रकरणांमध्ये फायदेशीर आहे

असे मानले जाते की डिस्प्रिन फक्त डोकेदुखी बरे करते; पण तसे नाही. डिस्प्रिनचे गुणधर्म डोकेदुखी व्यतिरिक्त, शरीरातील इतरत्र दुखणे, हृदयविकाराचा झटका, मायग्रेन आणि पक्षाघात यांसारखे आजारही ते बरे करू शकतात. ताप आणि मुरुमांच्या उपचारातही हे औषध डॉक्टरांच्या सल्ल्याने घेतले जाते. वास्तविक, हे एक नॉन-इंफ्लेमेटरी औषध आहे जे वेदना आणि सूज कमी करण्यासाठी देखील वापरले जाते.