Hair Fall: डोक्यात घाम येणे असु शकते केस गळतीचे कारण

Hair Fall: उन्हाळ्याच्या दिवसात केस वेगाने गळतात. उन्हामुळे केसांमध्ये खुप घाम येतो. यामुळे देखील केस लवकर खराब होतात. तुम्ही जर जिममध्ये बराच वेळा व्यायम करून फिट राहू शकता, पण केस गळण्याची समस्या वाढू शकते. केसांमध्ये कोंडा आणि तेलकटपणा वाढल्यास केस गळू लागतात. पण तुम्हाला माहिती आहे का डोक्यात घाम आल्याने केस वेगाने गळू लागतात.

केसांमध्ये घाम आल्यास कोणते दुष्परिणाम दिसतात?

• केस गळणे

घाम आणि प्रदूषणामुळे डोक्यात एक थर साचतो. या थरामुळे केसांमध्ये कोंडा तयार होतो. केसांमधील कोंडा कमी न झाल्यास केस गळतात. कोंडा कमी करण्यासाठी आठवड्यातून एकदा लिंबू आणि दही मिक्स करून लावावे.

• खाज सुटणे

डोक्यात जास्त घाम आल्यास काही वेळाने डोक्यात खाज सुटते. संशोधनात असे समोर आले आहे की, घामामुळे डोक्याचे छिद्र बंद होतात आणि एक थर जमा होऊ लागतो.डोक जास्त खाजवल्याने केसांची मुळ कमजोर होतात आणि गळू लागतात. घामामुळे होणारी खाज कमी करण्यासाठी केसांमध्ये दही आणि लिंबाचे मिश्रण लावावे. नंतर शॅम्पु लावून स्वच्छ पाण्याने केस धुवावे.

• केसांमध्ये दुर्गंधी

डोक्याला खाज येण्यासोबतच घामामुळे केसांमध्ये दुर्गंधी येण्याची समस्या निर्माण होते. केस सतत मोकळे ठेवणे शक्य नसते आणि घामामुळे केसांना दुर्गंधी येऊ लागते. उन्हाळ्यात केसांना दुर्गंधीपासून दूर ठेवायचे असेल तर आठवड्यातून किमान तीन वेळा शॅम्पू करावा.

• केसांमध्ये चिकटपणा

घामामुळे केस चिकट होतात. यामुळे केस खराब होतात. तज्ज्ञांचे म्हणणे आहे की जर शरीरात हार्मोनल बदल होत असतील तर त्यामुळे जास्त घाम येण्याची समस्या उद्भवू शकते. याशिवाय खूप मसालेदार पदार्थ खाणे टाळावे. तसेच केस आठवड्यातुन दोन शॅम्पुने स्वच्छ धुवावे.