Grapes Oil Benefits: घनदाट अन् लांब केसांसाठी द्राक्षांच्या बियांचे तेल ठरते फायदेशीर

Grapes Oil: द्राक्ष खाणे आरोग्यासह मजबुत केसांसाठीही फायदेशीर ठरते. द्राक्षाच्या बीयांपासून बनवलेल्या तेलमध्ये अनेक पोषक घटक असतात. या तेलामध्ये व्हिटॅमिन ई मुबलक प्रमाणात असते. यामुळे केस घनदाट आणि मजबुत करायचे असेल तर हे तेल वापरावे. केसांची वाढ झपाट्याने होते तसेच केसांसंबंधित अनेक समस्या देखील कमी होतात.

हे तेल वापरल्याने ड्राय आणि निर्जीव केसांच्या समस्या कमी होऊन केस मऊ होतात. या तेलाचा वापर केल्याने कोणते फायदे होतात. हे जाणून घेऊया.

• केस मऊ होतात

द्राक्षाच्या बियांच्या तेलामध्ये फॅटी अॅसिड तसेच व्हिटॅमिन ई भरपूर प्रमाणात असते. हे तेल केसांना मॉइश्चरायझ करते. हे केसांच्या मुळांना पोषण देण्याचे काम करते. हे तेल नियमितपणे केसांना लावल्यास केस मऊ होतात. केस गळती कमी होऊन मजबुत होतात.

• केस मजबुत होतात

द्राक्षांच्या बीयांपासून बनवलेले तेल लावल्याने केस मजबुत होतात. कारण या तेलामध्ये फॅटी अॅसिड असते. यामुळे केसांची झपाट्याने वाढ होते. तसेच केसांना फाटे फुटणे बंद होते.

• केस हेल्दी राहतात

द्राक्षाच्या बियांच्या तेलामध्ये अँटिऑक्सिडंट गुणधर्म असतात. यामुळे केसांचे धूळ आणि प्रदूषणापासून संरक्षण होते. तसेच हे हानिकारक अतिनील किरणांपासून केसांचे संरक्षण होते. यामुळे केस हेल्दी दिसतात.

• तेलाचा कसा वापर करावा

केस धुण्यापुर्वी अर्धातास आधी तेल लावून ठेवावे.अर्ध्या तासानंतर केस शॅम्पुने धुवावे. यामुळे केस मऊ होतात.

• कोंड्याची समस्या कमी

या तेलामध्ये कोडां कमी करण्याची क्षमता असते.या तेलाने नियमितपणे केसांच्या मुळात मसाज केल्याने कोंडा कमी होऊ शकतो. तसेच केसांमध्ये होणारी खाज देखील कमी होते.