झाडांचही आपल्यासारखंच असतं. आपण कसं वेगवेगळ्या ऋतुनुसार आपल्या आहारात, कपड्यांमध्ये, रोजच्या काही सवयींमध्ये बदल करत असतो, तसाच बदल झाडांनाही अपेक्षित असतो. उन्हाळ्यात झाडांची खास काळजी घ्यावी लागते, पावसाळ्यात वेगळी आणि हिवाळ्यातही झाडांच्या गरजेनुसार आपल्याला काळजी घ्यावी लागते. आता उन्हाळा संपून पावसाचे आगमन झाले आहे. चला तर मग जाणुन घेऊया पावसाळ्यात झाडांची कशी काळजी घ्यावी.
* कुंड्यांमध्ये माती भरा
उन्हाळ्यात आपण कुंडीतील माती कमी करतो. जेणेकरून झाडांना जास्तीतजास्त पाणी देता येईल. पण पावसाळ्यात पाण्याची अधिक गरज नसते. त्यामुळे पावसाळ्याच्या आधी कुंडीमध्ये माती भरून टाका. कारण जास्त पाणी साचून राहीलं तर झाडं खराब होऊ शकतात.
* कुंड्यांची छिद्रे तपासावी
काही कुंड्यांमधून पाणी अजिबातच झिरपत नाही. त्या कुंड्यांच्या खाली असणारी छिद्रे कदाचित बंद झालेली असू शकतात. त्यामुळे अशा पाणी जास्त धरून ठेवणाऱ्या कुंड्या कोणत्या आहेत ते ओळखा आणि त्यांची खालीची छिद्रे म्हणजेच ड्रेनेज होल काडी टाकून स्वच्छ करा.
* कुंंड्यांच्या प्लेट काढून टाका
कुंड्यांच्या खाली जर प्लेट ठेवत असाल, तर पावसाळ्यात त्या काढून टाका. कारण या प्लेटमध्ये प्रत्येकवेळी पाणी साचत जाईल. एवढं पाणी कायम झाडांच्या मुळाशी साचून राहणं पावसाळ्यात योग्य नाही.
* झाडांची स्वच्छता
उन्हाळ्यात अनेक झाडांची पानं सुकून जातात. काही पानं अर्धी सुकतात आणि अर्धी हिरवीच राहतात. म्हणुन पुर्णपणे सुकलेली किंवा अर्धवट सुकलेली पाने काढून टाका. कारण पावसाळ्यात अशा सुकलेल्या पानांना फंगल इन्फेक्शन होऊ शकते आणि ते संपूर्ण झाड खराब होऊ शकते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
