उन्हाळ्यात भरपूर तहान लागते, पण जर पाणी पिऊनही तहान भागत नसेल आणि वारंवार तहान लागत असेल तर ते अनेक गंभीर आजारांचे लक्षण असू शकते. उन्हाळ्यात डिहायड्रेशनची समस्या सामान्य आहे. पण, वारंवार तहान लागणे ही एक गंभीर समस्या असू शकते. जर तहान भागली नाही तर तुम्ही जास्त पाणी पिऊ शकता, परंतु ही समस्या अनेक आजारांना आवतन देऊ शकते.
उन्हाळ्यात शरीराला जास्त पाण्याची आवश्यकता असते. जर तुम्ही शरीराच्या गरजा पूर्ण केल्या नाहीत तर डिहायड्रेशन होऊ शकते, ज्यामुळे इतर अनेक गंभीर आजार तुम्हाला घेरु शकतात. जर तुम्ही पुरेसे पाणी पीत असाल आणि तरीही तुम्हाला वारंवार तहान लागत असेल तर त्यामागे अनेक कारणे असू शकतात. यासंबंधी तुम्ही डॉक्टरांना भेटले पाहिजे. वारंवार तहान लागण्याचे एक कारण मधुमेह देखील आहे. याशिवाय, अशक्तपणा आणि मूत्रपिंडाशी संबंधित आजार होऊ शकतात.
जर तुम्हाला वारंवार तहान लागत असेल आणि पाण्याव्यतिरिक्त इतर पेये पिऊनही तुमची तहान भागत नसेल, तर तुम्हाला मधुमेहाचा (Diabetes) धोका असू शकतो. मधुमेही रुग्णाच्या साखरेची पातळी वाढली की त्याला वारंवार तहान लागते. जर तुम्हालाही वारंवार तहान लागत असेल तर तुम्ही तात्काळ तपासणी करुन घेतली पाहिजे.
शरीरात रक्ताची कमतरता असल्यास, वारंवार तहान लागते. रक्ताच्या कमतरतेमुळे ऊतींना ऑक्सिजन मिळत नाही. यामुळे शरीरात पाण्याची कमतरता निर्माण होते आणि वारंवार तहान लागते. वारंवार पाणी पिऊनही तहान भागत नाही.
जेव्हा थायरॉईड ग्रंथी अतिप्रमाणात सक्रिय होते तेव्हा वारंवार तहान लागते. यामुळे शरीरात पाण्याची कमतरता निर्माण होते आणि पुन्हा पुन्हा पाणी पिण्याची इच्छा होते. या स्थितीला हायपरथायरॉईडीझम म्हणतात.
काही औषधांच्या परिणामामुळेही शरीरात पाण्याची (Water) कमतरता निर्माण होते आणि वारंवार तहान लागते. जर तुम्हाला वारंवार तहान लागत असेल आणि पाणी पिऊनही तहान भागत नसेल तर डॉक्टरांशी संपर्क साधा. तपासणी केल्यानंतर, डॉक्टर नेमके कारण शोधून तुमच्यावर उपचार करु शकतील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.