Food For Brain: मेंदूच्या निरोगी आरोग्यासाठी तुम्ही 'या' भाज्या खाल्ल्याच पाहिजेत

Food For Brain: आजकालच्या बदलत्या जीवनशैलीत आपला आहारदेखील दिवसेंदिवस बदलताना दिसत आहे. आपल्या आजूबाजूला घडणाऱ्या गोष्टींचा आपल्या शारिरिक आणि मानसिक आरोग्यावर परिणाम तर होत असतोच मात्र तुम्हाला हे माहीती आहे का कि आपल्या आहाराचा आपल्या शारिरिक आणि मानसिक आरोग्यावर परिणाम होत असतो.

आपल्यापैकी अनेकजण बुद्धीमत्तेसाठी किंवा मेंदूने दीर्घकाळापर्यंत आपले कार्य सुरळित पार पाडावे यासाठी बदाम, अक्रोड खाण्याचा सल्ला दिला जातो. मात्र काही भाज्यादेखील अशा आहेत ज्या आपल्या मेंदूच्या आरोग्यासाठी उत्तम मानल्या जातात.

चला तर जाणून घेऊयात अशा कोणत्या भाज्या आहेत ज्याचा आपल्या मेंदूच्या आरोग्यासाठी फायदा होतो आणि आपल्या मानसिक आरोग्यासाठी उत्तम मानल्या जातात.

पालक

पालक खाणे तुमच्या मेंदूच्या आरोग्यासाठी फायदेशीर आहे कारण त्यात व्हिटॅमिन ए, ल्युटीन आणि कॅरोटीन सारख्या अँटिऑक्सिडंट्स भरपूर प्रमाणात असतात. पालकामध्ये फोलेट आणि व्हिटॅमिन के असते, जे मेंदूच्या योग्य विकासासाठी आवश्यक असतात.

भेंडी

भेंडीमध्ये पॉलीफेनॉल आणि व्हिटॅमिन बी 6 असते. जे मेंदूच्या आरोग्यासाठी देखील फायदेशीर असतात. विचार करण्याची आणि समजून घेण्याची क्षमता वाढवण्यासाठी, स्मरणशक्ती कमकुवत होण्यापासून रोखण्यासाठी भेंडी उपयुक्त मानली जाते. भेंडीमध्ये असणारे लेक्टिन प्रोटीन कॅन्सरच्या पेशींच्या वाढीस प्रतिबंध करते. भेंडी रक्तातील साखरेची पातळी नियंत्रित करते.

टोमॅटो

टोमॅटोमध्ये लाइकोपीन असते, जे मेंदूच्या आरोग्यासाठी खूप फायदेशीर असते. टोमॅटो अँटिऑक्सिडंट्सचे चांगले स्त्रोत आहेत. लाइकोपीन आणि बीटा-कॅरोटीन अँटिऑक्सिडंट्स टोमॅटोमध्ये आढळतात. हे मेंदूच्या पेशींना नुकसान होण्यापासून रोखण्यासाठी हे आवश्यक असल्याचे म्हटले जाते.

गाजर, कोबीमध्येदेखील हे बीटा-कॅरोटीन आणि अँटीऑक्सिडंट आढळतात. त्यामुळे या भाज्या आपल्या मानसिक आणि शारिरिक आरोग्यासाठी उत्तम मानल्या जातात.