Dussehra 2022: कधी आहे दसरा, जाणून घ्या मुहूर्त अन् पूजा करण्याची पद्धत

Dussehara 2022: दसरा हा उत्सव वाईटावर चांगल्याच्या विजय म्हणून ओळखला जातो. अश्विन महिन्याच्या शुक्ल पक्षाच्या दहाव्या दिवशी हा उत्सव साजरा केला जातो. या उत्सवाला विजयादशमी देखिल म्हणतात. काही लोक हा उत्सव शस्त्र पूजा म्हणूनही साजरा करतात. हिंदू धार्मिक मान्यतेनुसार या दिवशी भगवान रामाने रावणाचा वध केला होता. याचा कालावधी दहाव्या मुहूर्तापासून सूर्योदयानंतरच्या बाराव्या मुहूर्तापर्यंत असतो. यंदा 5 ऑक्टोबरला दसरा सण साजरा केला जाणार आहे. जाणून घ्या हा सण कसा साजरा केला जातो.

दसऱ्याला का केले जाते रावणाचे दहन?

पौराणिक मान्यतेनुसार या दिवशी भगवान श्री रामाने दहा मुखी अत्याचारी रावणाचा वध केला. तेव्हापासून वाईटावर चांगल्याच्या विजयाचे प्रतिक म्हणून दरवर्षी दसऱ्याच्या दिवशी रावणाच्या पुतळ्याचे दहन केले जाते. दसऱ्याला दहा तोंडी रावणाचे दहन करणे म्हणजे आपण सर्वांनी आपल्यातील राग, लोभ, अहंकार नष्ट करणे.

दसरा 2022 पुजेचा शुभ मुहूर्त

दसरा 5 ऑक्टोबर 2022

विजय मुहूर्त - दुपारी 02:07 ते दुपारी 02:54 वाजेपर्यंत

पूजेची वेळ - दुपारी 01:20 ते दुपारी 03:41 वाजेपर्यंत