Cooking Tips: घरीच मोमोज बनवताय? मग पीठ मळताना 'या' गोष्टी करा

cooking tip how to make momos dough

मोमोजचे नाव वाचताच तोंडाला पाणी सुटणार नाही असे होणार नाही. मोमोज हा एक असा पदार्थ आहे, ज्यामध्ये फक्त एक नाही तर अनेक प्रकार आहेत. हे लोकप्रिय खाद्यपदार्थ आधी फक्त नेपाळमध्येच खाल्ले जात असले तरी आता ते संपूर्ण भारतात आवडीने खाल्ले जाते.

जर तुम्हालाही स्नॅक्समध्ये हलके काही खायचे असेल तर तुम्ही मोमोज बनवू शकता. पण बरेच लोक ते खाणे टाळतात, कारण त्यांना असे वाटते की बाहेरचे मोमोज खाल्ल्याने पोच खराब होते. पण तुम्ही घरीच मोमोज बनवू शकता. घरी बनवलेले मोमो हे आरोग्यदायी तर असतातच पण ते बनवण्यासाठी तुम्ही हेल्दी घटक देखील वापरू शकता.  

पण घरी मोमोज बनवताना पीठ नीट मळले जात नाही अशा अनेक समस्या निर्माण होतात. काही वेळा मोमोजचे स्टफिंग नीट केले जात नाही. तुमच्यासोबतही असेच घडत असेल तर ही बातमी तुमच्यासाठीच आहे. चला जाणून घेऊया मोमोजसाठी पीठ मळताना कोणत्या गोष्टी लक्षात ठेवाव्यात.   

मैद्यात गव्हाचे पीठ

परफेक्ट मोमोज बनवण्यासाठी मैद्यामध्ये गव्हाचे पीठ मिक्स करणे गरजेचे आहे. कारण फक्त मैदा वापरल्यास मोमोज काही वेळाने कडक होतात. त्यामुळे मोमोसाठी पीठ मळताना थोडे गव्हाचे पीठ मिक्स करावे. गव्हाचे पीठ जास्त वापरू नका, कारण जास्त मैदा वापरल्यास मोमोजची चव खराब होईल.

व्हिनेगरचा वापर

मोमोज् चे पीठ मऊ आणि मलईदार बनवण्यासाठी व्हिनेगरचा वापर केला जाऊ शकतो. पीठ मऊ होण्यासाठी आंबटपणा आवश्यक असतो. जर तुम्हाला व्हिनेगर वापरायचे नसेल तर तुम्ही दही किंवा लिंबाचा रस देखील वापरू शकता. फक्त प्रमाण बरोबर घ्यावे अन्यथा मोमोज् आंबट होतील.  

गरम पाण्याचा वापर

जर तुम्हाला घरी परफेक्ट मोमोज बनवायचे असतील तर पीठ मळताना गरम पाणी वापरावे. यामुळे मळलेले पीठ खूप मऊ राहील आणि बनवलेले मोमोज खूप मऊ राहतील.

यासाठी पिठात थोडे थोडे कोमट पाणी मिक्स करावे. यासोबतच पीठ हलक्या हाताने मळून घ्यावे लागेल. असे केल्याने पीठ एकदम मऊसर होईल आणि जर तुम्हाला मोमोज तळायचे असतील तर तेही सहज करता येईल. 

पीठ कसे मळावे

• यासाठी एक कप मैद्यामध्ये अर्धा चमचा मीठ आणि 1 चिमूट बेकिंग सोडा मिक्स करावा.

• पिठात बेकिंग सोडा टाकल्यामुळे मोमोज वाफवल्यानंतर ते कडक होत नाहीत तर तोंडात टाकताच मऊ होते आणि वितळते.

• मोमोजसाठी पीठ पुरीच्या पिठापेक्षा मऊ आणि रोटीच्या पिठापेक्षा घट्ट मळून घ्यावे लागते. कोमट पाण्याने पीठ मळावे.

• पीठ मळून झाल्यावर काही वेळ कपड्याने झाकून ठेवावे.यामुळे मोमोज बनवणे सोपे होते.