Car Test Drive: कार खरेदी करताय? मग टेस्ट ड्रायव्हिंग करताना लक्षात ठेवा 'या' गोष्टी

Car Test Drive: अनेक लोकांसाठा कार खरेदी करणे हे एका स्वप्नापेक्षा कमी नसते. जेव्हा तुम्ही तुम्ही कार घेण्याचा निर्णय घ्याल तेव्हा टेस्ट ड्राईव्ह नक्की घ्या. टेस्ट ड्राइव्ह दरम्यान कोणत्या गोष्टी लक्षात ठेवाव्या हे जाणून घेऊया.

सहसा, प्रत्येक कार विविध प्रकारांमध्ये येते. परंतु, डीलरशिप केवळ कारच्या टॉप-एंड प्रकारांसाठी टेस्ट ड्राइव्ह आयोजित करतात. अशावेळी तुम्हाला जो प्रकार विकत घ्यायचा आहे त्याची टेस्ट ड्राइव्ह घेवी. यामुळे कार खरेदी करताना मदत मिळेल

• घाई करू नका

टेस्ट ड्राइव्ह घेत असताना डीलरशिपच्या कोणत्याही प्रकारच्या दबावाला बळी पडू नका. या वेळी डीलरशिपमधील कोणीतरी कारमध्ये तुमच्यासोबत उपस्थित असेल, त्यामुळे घाई करू नका. गाडीचा टेस्ट ड्राइव्ह आरामात घ्यावा.

हायवे आणि शहरातील रस्ते तसेच कच्च्या रस्त्यांवर गाडी चालवून पाहावी. यामुळे तुम्हाला कारच्या राइड क्वालिटीबद्दल योग्य माहिती मिळेल. यासोबतच तुम्हाला कारचे इंजिन, स्टीयरिंग फील, ट्रान्समिशन, ब्रेक्स आणि कम्फर्टची माहिती मिळू शकेल.

फिचर चेक करावे

कारची टेस्ट ड्राइव्ह करताना त्याचे फिचर लक्षात ठेवावे. प्रत्येक फिचरचा वापर करून पाहावा. अनेक कारमध्ये फिचर दिलेले असतात पण ते योग्यरित्या काम करत नाहीत. म्हणून टेस्ट ड्राइव्हिंगच्या वेळी आपण सर्व फिचर स्वतः चेक केले पाहिजे.