लिंबू आणि हळदीचे 'हे' आहेत आरोग्यदायी फायदे

हळद आणि लिंबू आपल्या शरीराला अनेक प्रकारे निरोगी ठेवण्यासाठी फायदेशीर आहेत. लिंबू आणि हळद एकत्र सेवन केल्यास शरीरातील अनेक समस्या आणि आजार दूर होतात. लिंबू आणि हळदीचे फायदे शरीरात सांधे समस्यांपासून पचनापर्यंत सर्व गोष्टींसाठी ओळखले जातात. इतकंच नाही तर यकृत निरोगी ठेवण्यासाठी, शरीर डिटॉक्स करण्यासाठी, वजन कमी करण्यासाठी हे खूप उपयुक्त आहे. चला तर मग जाणून घेऊया हळद आणि लिंबाचे सेवन आपल्यासाठी किती फायदेशीर ठरते.

हळद आणि लिंबाचे फायदे

1. यकृत

लिंबू आणि हळदीचे (Turmeric) सेवन यकृताशी संबंधित अनेक समस्या दूर ठेवते आणि ते आपल्या शरीरातील विषारी पदार्थ काढून टाकण्यासही खूप मदत करतात. त्यामुळे यकृत स्वच्छ राहून निरोगी राहते. यकृताशी संबंधित समस्यांमध्ये लिंबाच्या रसामध्ये हळद आणि थोड्या प्रमाणात मध मिसळून सेवन करा. लिंबू (Lemon) आणि हळदीचे नियमित सेवन केल्याने पचनक्रिया चांगली राहते.

2. लठ्ठपणा दूर करते

लिंबू आणि हळदीचे सेवन लठ्ठपणापाना घालण्यासाठी खूप उपयुक्त आहे. रोज सकाळी लिंबाच्या रसामध्ये मध आणि हळद मिसळून सेवन केल्यास लठ्ठपणाची समस्या लवकर दूर होते. हळदीमध्ये दाहक-विरोधी गुणधर्म असतात जे शरीराच्या समस्यांवर उपयुक्त आहेत. याच्या सेवनाने शरीरातील चयापचय क्रियाही सुरळीत राहते.

3. हृदयासाठी चांगले

लिंबू आणि हळद खाल्ल्याने हृदयविकाराचा धोकाही कमी होतो. हृदयात ब्लॉकेजची समस्या असल्यास लिंबासोबत हळद आणि मधाचे सेवन केल्यास फायदा होतो. याशिवाय हळदीचे सेवन केल्याने शरीराची रोगप्रतिकारशक्ती (Immunity) वाढते आणि संसर्गही टाळता येतो.

4. मानसिक आरोग्यासाठी फायदेशीर

मानसिक समस्या दूर करण्यासाठी लिंबू आणि हळदीचे पाणी देखील खूप उपयुक्त आहे. त्यांच्या सेवनाने तणाव कमी करण्यास मदत होते. हळद आणि लिंबूमध्ये अँटिऑक्सिडेंट आणि अँटीडिप्रेसेंट गुणधर्म देखील असतात जे मानसिक समस्यांवर मात करण्याचे काम करतात.