![IPhone](http://media.assettype.com/dainikgomantak%2F2023-08%2F2a8fcb0f-1b9d-4749-b781-aaf2326f7937%2F___1200___675_px___23_.jpg?w=480&auto=format%2Ccompress&fit=max)
चार्जिंग करताना तुम्ही तुमचा आयफोन तुमच्या जवळ ठेवत असाल तर आजपासून ही सवय बंद करा. कारण अॅपलने लोकांना फोन शेजारी चार्जिंगला लावून झोपणे धोकादायक असू शकते असा इशारा दिला आहे. कंपनीने सांगितले की यामुळे आग, इलेक्ट्रिक शॉक, दुखापत किंवा फोनचे गंभार नुकसान होऊ शकते. हा धोका टाळण्यासाठी नेहमी मोबाईल चार्जिंगला लावल्यावर दूर ठेवावे. तसेच कंपनीने ब्लँकेट किंवा उशीखाली मोबाईल चार्ज करण्यासाठी ठेऊ नका. यामुळे आयफोन गरम होऊन फोनचे नुकसान होऊ शकते.
कंपनीचेच चार्जर वापरावे
आयफोन चार्ज करतांना नेहमी कंपनीचे चार्जर वापरावे. कारण अॅपल कंपनीने सांगितले की दुसरे चार्जर वापरल्यास ते आयफोनसाठी सुरक्षित मानले जात नाही. तसेच कंपनीने सांगितले की आयफोन चार्ज होत असताना मोबाईलचा वापर टाळावा. फोन चार्ज झाल्यावरच कॉल करावा किंवा त्याचा वापर करावा.
याशिवाय आयफोनला ओलावा नसलेल्या ठिकाणी चार्ज करायला ठेवावे. कारण इलेक्ट्रिक शॉक किंवा फोन डॅमेज होण्याचा धोका राहणार नाही असे कंपनीने सांगितले आहे
पुढील महिन्यात नवीन आयफोन सीरीज लाँच होणार
अॅपल पुढील महिन्यात नवीन आयफोन सीरीज लाँच करणार आहे. iPhone 15 संदर्भात अनेक प्रकारच्या बातम्या समोर आल्या आहेत. या फोनमध्ये यूएसबी टाइप-सी चार्जर मिळणार आहे. iPhone 15 च्या सर्व मॉडेल्समध्ये कंपनी Dynamic Island फीचरसह 48MP कॅमेरा देखील देणार आहे. पण अद्याप फोन लाँच करण्याची तारिख फिक्स सांगितली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.