गोव्यात 'जागतिक सायकल दिनानिमीत्त सायक्‍लोथॉनचे आयोजन

सायकल हा मनुष्याच्‍या आयुष्यातील अविभाज्‍य घटक आहे. सायकल माहीत नाही, किंवा चालवता येत नाही, असा माणूस विरळाच.

प्रत्‍येक लहानग्याचे सायकल हे आकर्षण असते. आज 3 जून रोजी जगभरात सायकल दिन साजरा होत आहे

यानिमित्त पणजी मनपाच्यावतीने सकाळी 7 वा. गार्सिया दी ओर्ता येथे सायक्‍लोथॉन उपक्रमाचे आयोजन करण्यात आले आहे.

आरोग्‍यमंत्री विश्‍वजित राणे या उपक्रमाचे उद्‌घाटन करणार आहेत. युनोने जाहीर केल्‍यानुसार 'सायकलचे वेगळेपण, दीर्घायुष आणि विविधता' ही यंदाची संकल्पना आहे. अमेरिकेतील प्रो.लेस्झेक सिबिल्स्की यांनी 2015मध्ये युनोने सायकलसाठी एक दिवस समर्पित करावा यासाठी जगभर प्रचार केला. या चळवळीची दखल घेऊन युनोने 12 एप्रिल 2018 रोजी, 3 जून हा जागतिक सायकल दिन म्हणून घोषित केला.