पावसाची सुरुवात झाल्यावर काही दिवसांनी बाजारात अळमी दिसू लागतात. जंगलात नैसर्गिकरीत्या उगवून येणाऱ्या या अळमींना भूछत्र्या (मशरुम्स) असेही म्हणले जाते.
बाजारात अळमी आल्याचे कळताच गोवन लोकांच्या तोंडाला पाणी सुटते. खरेदीसाठी ते बाजारात गर्दी करतात. सुरुवातीच्या काळात अळमीची किंमत जास्त असते.
पावसाळा सुरु होताच लोकांना अळमीचे वेध लागतील. प्रामुख्याने सत्तारी, नेत्रावळी, सांगे तसेच इतर ग्रामीण भागातील जंगलांमधून अळमी बाजारात येते.
ग्रामीण भागातील लोक विशेषत: शेतकरी अळमी विकत घेत नाहीत. शक्यतो महिला रानावनात जाऊन अळमी खुडून घेऊन येतात.
जुनी मंडळी आजही या भाज्यांचे औषधी महत्व समजावून सांगतात. पावसाळ्यात या रानभाजीचे सेवन केल्यामुळे शरीरास अनेक फायदे होतात म्हणून आवर्जून याचे सेवन करतात.
घराघरांमध्ये बनवला जाणारा गोवन मसाला वापरुन अळमीची चविष्ट भाजी केली जाते. खवय्या मंडळींसाठी ही पर्वणीच असते.
मार्केटमध्ये मिळणारे कृत्रिम मशरुम्स आणि गोव्यातील जंगली अळमी यांच्या चवीत आणि दिसण्यात जमीन - आसमानाचा फरक आहे. जंगली अळमीची चवच खास असते.
नैसर्गिक साधन संपत्तीचा जीवनात कसा उपयोग करून घ्यावा हे गोव्याच्या संस्कृतीतून शिकण्यासारखे आहे. गोव्यातील ग्रामीण जीवनाचं निसर्गाशी नाळ जोडलेलं हे सुंदर रूप आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.