कार्निवल परेडच्या पार्श्वभूमीवर मडगावमधील वाहतूक आणि पार्किंग नियोजन

मडगाव: मडगाव कार्निव्हल फ्लोट परेड रविवारी दुपारी 3.30 वाजल्यापासून सुरु होणार आहे. दक्षिण गोवा ट्रॅफिक सेलचे पोलीस उपअधीक्षक धर्मेश आंगले यांनी वाहतूक प्रवाह आणि पार्किंग व्यवस्थेबाबत माहिती दिली.

फोंडा/रैया/पूर्व बायपासवरून मडगावकडे जाणारी वाहनांची वाहतूक आर्लेम जंक्शनवर वेगळी करण्यात येईल आणि दक्षिण गोव्याच्या दिशेने जाणारी वाहतूक नुवेम बायपास/पूर्व बायपासवर वळवली जाईल. फक्त स्थानिक रहिवाशांच्या वाहनांना फातोर्डा चार रस्ता जंक्शनपर्यंत जाण्याची परवानगी असेल आणि पुढे त्यांची वाहने डॉन बॉस्को कॉलेजच्या बाजूने किंवा चंद्रवाडो जंक्शनमार्गे अंबाजी बाजूकडे वळवली जातील. (Traffic and parking plan in margao on backdrop of goa Carnival 2022)

मडगाव शहरातून फातोर्डा-कडे जाणारी वाहतूक युरिक सिल्वा हाऊसजवळ बोर्डा येथे थांबवून बोल्शे सर्कल पूर्व बायपास मार्गे वळवण्यात येतील.

केटीसी बस स्टँड, कोलवा, मडगाव शहरातून फातोर्डा येथे जाण्यासाठी येणारी सर्व वाहतूक जुन्या बाजारपेठेतून अंबाजी बाजूने वळविली जाईल.

पार्किंग

फ्लोट परेडच्या प्रेक्षकांची वाहने मडल चॅपलच्या मोकळ्या जागेवर आणि जॉगर्स पार्कमध्ये अंतर्गत रस्त्यांद्वारे पार्क केली जातील.

हे रस्ते असणार बंद

• फोंडा रोडवरील जुन्या बाजार मंडळाजवळ (SH-5) फातोर्डा बाजूने कोणत्याही वाहनांना पुढे जाण्यास परवानगी दिली जाणार नाही.

• आर्ले जंक्शनवर, फातोर्डा-मडगाव बाजूने कोणत्याही अवजड वाहनांना पुढे जाण्यास परवानगी दिली जाणार नाही. फातोर्डा चार रस्ता जंक्शनवर, कोणत्याही वाहनांना जलतरण तलाव सर्कल/रवींद्र भवनच्या बाजूने पुढे जाण्यास परवानगी दिली जाणार नाही.

• तरणतलाव सर्कलवर, पंडित जवाहरलाल नेहरू स्टेडियम आणि जुन्या बाजाराच्या बाजूने कोणत्याही वाहनांना पुढे जाण्यास परवानगी नाही.

• युरिक सिल्वाच्या घराजवळील बोर्डा जंक्शनवर, कोणत्याही वाहनांना स्विमिंग पूल सर्कल/रवींद्र भवनच्या बाजूने पुढे जाण्याची परवानगी दिली जाणार नाही.

• कोहिनूर ऑप्टिशियन जवळील एसजीपीडीए मार्केट जंक्शनवर, फ्लोट्सशिवाय कोणत्याही वाहनांना एसजीपीडीएकडे जाण्याची परवानगी दिली जाणार नाही.

नो पार्किंग झोन

रविवारी सकाळी 8 ते कार्निव्हल फ्लोट परेड संपेपर्यंत फातोर्डा जंक्शन ते सत्र न्यायालय मडगाव या रस्त्यावर वाहनांचे पार्किंग केले जाणार नाही.