Smart City Accident : आणखी एक ट्रक रस्त्यात रूतला; 'स्मार्ट सिटी'मुळे वाहनचालकांचा कोंडमारा; फोटो पहा

पणजीमध्ये सुरू असलेल्या स्मार्ट सिटीच्या कामामुळे गोव्यात अनेक अपघातांना आमंत्रण मिळत आहे. नुकत्याच मिळालेल्या माहितीनुसार, सांतीनेजमध्ये काही वेळापूर्वी अजून एक ट्रक रस्त्यात रुतल्याची घटना समोर आली आहे.

सांतीनेजमध्ये असलेल्या वेलनेस फॉरेव्हर आणि शीतल हॉटेलजवळ हा प्रकार घडला आहे.

मालवाहतूक करणारा ट्रक एका बाजूला कलंडला आणि त्याचे चाक रस्त्यात अडकले.

अडकलेला ट्रक काढण्यासाठी 2 JCB बोलावण्यात आले आहेत.

यामुळे मोठ्या प्रमाणात वाहतूक कोंडी झाली असून वाहतूक दुसऱ्या मार्गाने वळवण्यात आली.

या घटनांमुळे नागरिकांना आणि वाहनचालकांना नाहक त्रास सहन करावा लागत आहे.

दरम्यान काही दिवसांपूर्वी, खड्ड्यांत वाहने अडकण्याच्या घटना वाढत असल्याने घटनेचे गांभीर्य लक्षात घेऊन महापालिका प्रशासनाने कंत्राटदाराला कारणे दाखवा नोटीस बजावली आहे.