पुरुषांच्या हटके साडी स्टाइलला जगभरातील महिलांची पसंती

साडीचे नाव येताच आपल्या मनात स्त्रीचे चित्र डोळ्यापुढे उभे राहते.पण फॅशनच्या या युगात सर्वकाही शक्य आहे. त्यामुळे सोशल मीडियावर आता पुरुषही साडी घालून स्टाईल करताना आणि फोटो पोस्ट करताना दिसतात. इन्स्टाग्रामवर अनेक सोशल मीडिया इंफ्लूएसर आहेत जे त्यांचे साडी नेसेलेले व्हिडिओ आणि फोटो शेअर करत आहेत. त्याचबरोबर या सर्वांच्या स्टाइललाही खूप पसंती दिली जात आहे.

सोशल मीडियावर एक फॅशन इन्फ्लुएंसर सिद्धार्थ बत्रा आहे, जो अनेकदा त्याचे फोटो शेअर करतो. त्याचबरोबर इंस्टाग्रामवरही त्याची चांगली फॅन फॉलोअर्स आहे. आजकाल सिद्धार्थ एकामागून एक साडी नेसून त्याचे व्हिडिओ चाहत्यांसोबत शेअर करत आहे. ज्यात तो कधी कधी बूट आणि शर्ट घालून स्टाइल करताना दिसतो. तर कधी कुर्तीसोबत सिल्कची साडी पेअर करताना दिसतो.

करण विग हा फॅशन डिझायनर असून त्याला साडी नेसणे आवडते. त्यामुळे तो अनेकदा आपले साडी वेअर केलेले फोटो इंस्टाग्रामवर शेअर करत असतो. त्याच वेळी तो एका सामान्य मुलीप्रमाणे साडीचे वेगवेगळे यांवर प्रयोग करतो.

पांढरी साडी असो की लाल साडी, प्रत्येक वेळी तो कोणत्या ना कोणत्या स्टाईलचा प्रयोग करत असतो. नेकलेसपासून ते बुटांपर्यंत सर्व काही ट्राय करायला त्याला आवडते.

इटलीत राहणारा पुष्पक सेन फॅशनचा अभ्यास करण्यासाठी तिथे गेला होता. जिथे त्याची ओळख साडीमुळेच निर्माण झाली. लेगिंग्ससोबत साडी पँटवर वेअर करून तो इंडो वेस्टर्न लुक करतो. नेकलेस आणि बिंदीमुळे या आगळ्या वेगळ्या साडीच्या लुकला फिमेल टचअप मिळतो.