राजेंद्र आर्लेकर यांनी हिमाचल प्रदेशचे नवे राज्यपाल म्हणून शपथ घेतली

हिमाचल प्रदेशचे नवनियुक्त राज्यपाल राजेंद्र आर्लेकर यांचा आज शिमला येथे शपथविधी सोहळा पार पडला. ते काल गोव्यातून शिमला साठी रवाना झाले होते.

भारतीय जनता पक्षाचे नेते आणि गोवा विधानसभेचे माजी सभापती राजेंद्र आर्लेकर यांनी मंगळवारी शिमला येथील राजभवनात हिमाचल प्रदेशचे नवे राज्यपाल म्हणून शपथ घेतली.

पक्षाचे कार्यकर्ते म्हणून आपल्या कारकीर्दीची सुरुवात करणारे आर्लेकर हे राज्य विधानसभेचे सभापती म्हणून नियुक्त होण्यापूर्वी गोवा विधानसभेचे दोन वेळा सदस्य राहिले. ते भाजपच्या गोवा युनिटचे अध्यक्षही राहिले आहेत.

बदरू दत्तात्रेय यांची जागा घेणारे आर्लेकर हे हिमाचल प्रदेशचे 21 वे राज्यपाल आहेत.