भारताशी असलेल्या तिच्या नात्याचे वर्णन करताना, सिरीशा सांगते की तिचा जन्म आंध्र प्रदेशातील बापटला जिल्ह्यातील चिराला गावामध्ये झाला. ती पाच वर्षांची असताना तिचे पालक अमेरिकेमध्ये गेले. त्यावेळी तिला तेलुगू भाषा येत होती आणि अमेरिकेत जाऊन ती इंग्रजी भाषा शिकली.
एरोनॉटिकल इंजिनीअर होण्याच्या प्रेरणेबाबत सिरिशा सांगते की, लहानपणी भारतात राहताना रात्री दिवे बंद झाल्यावर ती ताऱ्यांकडे बघत बसायची. ती तिच्या आई-वडिलांसोबत प्रत्येक एअर शो आणि स्पेस म्युझियममध्ये ती जात असे.
सिरीशा बंदला ही अंतराळात जाणारी चौथी भारतीय वंशाची अंतराळवीर आहे तर याआधी राकेश शर्मा, कल्पना चावला आणि सुनीता विल्यम्स हे अंतराळात गेले आहेत.
सिरीशा बंदलाने पर्ड्यू विद्यापीठातून एरोनॉटिकल इंजिनीअरिंगमध्ये पदवी आणि जॉर्जटाउन विद्यापीठातून मास्टर ऑफ बिझनेस अॅडमिनिस्ट्रेशन (एमबीए) पूर्ण केले आहे.
सिरिशाने 2015 मध्ये व्हर्जिन गॅलेक्टिक कंपनीत काम करायला सुरुवात केली आणि अल्पावधीतच ती Vice President बनली. नुकतेच तिने 747 विमानाचा वापर करून उपग्रह अवकाशात पाठवला होता.
सिरिशा बंदलाच्या करिअरची सुरुवात व्हर्जिन गॅलेक्टिक कंपनीपासून झाली नाही. तर, या कंपनीत काम करण्यापूर्वी तिने टेक्सासमध्ये एरोस्पेस अभियंता म्हणूनही काम केले. सिरीशाने कमर्शियल स्पेस फ्लाइट फेडरेशन (CSF) मध्ये देखील काम केले आहे.
सिरिषा तेलुगू असोसिएशन ऑफ नॉर्थ अमेरिका (TANA) शी देखील संबंधित आहे तर ही उत्तर अमेरिकेतील सर्वात मोठी आणि सर्वात जुनी इंडो अमेरिकन संस्था आहे. सिरिशाचे वडील डॉक्टर मुरलीधर हे व्यवसायाने शास्त्रज्ञच आहेत. फोटोमध्ये, सिरीशा बंदला तिचा प्रियकर शॉन ह्यूसोबत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.