Milind-Ankita Anniversary: मिलिंदच्या प्रेमापुढे हरले अंकिताचे वय अन् दु:ख

90 च्या दशकातील स्टार असलेले 55 वर्षीय मिलिंद सोमण आजही आपल्या फिटनेसमुळे चर्चेत आहेत. या वयातही मिलिंद सोमण फिटनेसच्या बाबतीत अनेक दिग्गजांशी स्पर्धा करतो. पण त्याच्या आयुष्याशी निगडित अशीच आणखी एक गोष्ट आहे, ज्यामुळे तो प्रत्येक वेळी चर्चेचा विषय बनतो. ही गोष्ट त्याची प्रेमकहाणी आणि लग्नाशी संबंधित आहे, होय, मिलिंद सोमण आणि त्यांची पत्नी अंकिता कोंवर यांचे नाते नेहमीच चर्चेत असते.

त्यांच्या लग्नापासून आतापर्यंत त्यांच्या नात्याबद्दल अनेक गोष्टी बोलल्या आणि ऐकल्या गेल्या आहेत, लग्नाच्या वेळी त्यांच्यातील वयाचे अंतर खूप चर्चेत होते. या बॉलीवूड पॉवर कपलने 22 एप्रिल 2018 रोजी लग्नगाठ बांधली. आज या त्यांच्या लग्नाचा चौथा वाढदिवस आहे, या निमित्ताने ही प्रेमकहाणी कशी सुरू झाली ते जाणून घेऊया

अंकिता आणि मिलिंद सोमन एका नाईट क्लबमध्ये भेटले. दोघांचीही चांगली मैत्री झाली.अंकिताने हिंमत एकवटून मिलिंदला त्या क्लबमध्ये नाचण्यासाठी इव्हाइट केले आणि मिलिंदनेही हो म्हटले. यानंतर दोघेही बराच वेळ एकमेकांसोबत नाचत राहिले. शेवटी मिलिंदने अंकिताला तिचा नंबर मागितला. त्यावेळी तिच्याकडे ना फोन होता ना बोलण्यासाठी काही विषय.

अंकिता आणि मिलिंद आता खूप चांगले मित्र बनले होते आणि भेटीगाठींसोबत त्यांची मैत्री वाढत गेली. पण याच दरम्यान अंकितासोबत एक मोठा अपघात झाला, ज्याने ती हादरून गेली होती. अंकिताच्या प्रियकराचा मृत्यू झाला. तिच्यासोबत झालेल्या या अपघातामुळे अंकिता पूर्णपणे तुटली होती आणि ती कोणत्याही परिस्थितीत तिच्या प्रियकराला विसरू शकत नव्हती. आयुष्याच्या या वाईट टप्प्यातून बाहेर पडण्यासाठी अंकिताला मिलिंद सोमणने मदत केली, या दु:खद काळात तोच तिचा आधार होता.

हळूहळू त्यांच्या भेटीचा सिलसिला वाढत गेला, दोघांची मैत्री अधिक घट्ट होत गेली. शेवटी एके दिवशी मिलिंदने हिम्मत करून अंकितावर असलेल्या प्रेमाची कबूली दिली. मिलिंदच्या प्रेमासमोर अंकिताचं दु:ख हरलं आणि दोघेही एकमेकांना डेट करू लागले.

दोघांचे प्रेम फुलायला पाच वर्षे लागली. मिलिंद आणि अंकिताने एकमेकांना पाच वर्षे डेट केल्यानंतर 2018 मध्ये लग्न करण्याचा निर्णय घेतला. त्यांच्या लग्नाचा निर्णय समाजातील लोकांना पटला नाही आणि लोकांसाठी मिलिंद अंकिता चर्चेचा विषय ठरला. मिलिंदचे हे दुसरे लग्न होते पण चर्चेचे कारण होते दोघांमधील वयाचे अंतर. लग्नाच्या वेळी मिलिंद आणि अंकिता यांच्यात 25 वर्षांचे अंतर होते पण प्रेमापुढे वयाचे काहीही बंधन नसते. हे सिद्ध करत दोघांनी जुलैमध्ये अलिबागमध्ये जवळच्या लोकांमध्ये मराठी रितीरिवाजांनुसार लग्नगाठ बांधली.

अलिबागमध्ये मराठी रितीरिवाजांनुसार लग्नगाठ बांधल्यानंतर या हॉट जोडप्याने 2018 मध्येच पुनर्विवाह केला . मिलिंद आणि अंकिता यांनी जुलै महिन्यात स्पेनमधील कॅथलिक विधींनुसार पुन्हा एकदा लग्नगाठ बांधली.

मिलिंद सोमण आणि अंकिता कोंवर एकमेकांवरील प्रेम व्यक्त करण्यास घाबरत नाहीत आणि अनेकदा त्यांचे फोटो सोशल मीडियावर शेअर करतात. चाहत्यांनाही हे कपल खूप आवडतात. अंकिताने मिलिंद आणि त्यांच्या नात्याबद्दल अनेकदा उघडपणे आपले मत व्यक्त केले आहे. "जेव्हा आपण एखाद्यावर प्रेम करतो, तेव्हा आपण कोणाशी तरी मानसिक, आध्यात्मिक आणि शारीरिकरित्या जोडतो," असे एका मुलाखतीत अंकिता म्हणाली होती.