वेर्णा औद्योगिक वसाहतीत एका स्क्रॅप गोदामाला भीषण आग लागून जवळपास १ लाख रुपयांचे नुकसान झाले. सदर घटना आज संध्याकाळी पावणे पाच वाजता घडली. वेर्णा अग्नी शमन दलाच्या जवानांनी घटनास्थळी धाव घेऊन आग विझविण्याचा प्रयत्न केला. रात्री उशिरापर्यन प्रयत्न चालू होते.
वेर्णा औद्योगिक अग्निशमन दलाचे अधिकारी दिलीप बिचोलकर यांनी दिलेल्या माहितीनुसार आज संध्याकाळी वेर्णा औद्योगिक वसाहतीतील एका स्क्रॅप गोदामाला आग लागण्याची माहिती मिळताच त्यांनी घटनास्थळी धाव घेतली. तोपर्यन्त आगीने रुद्रावतार घेतला होता. सदर स्क्रॅप यार्डमध्ये लाकडी साहीत्य, प्लास्टीक साहीत्य व इतर वस्तूंचे ढीग असून लाकडी साहित्याला आग लागून पेट घेतला. आग वाढत गेल्याने वास्को, मडगाव व इतर ठीकाणाहून अग्निशमन बंब मागवण्यात आले.
जागा अडगळीची असल्याने बंब स्क्रॅप याडॆमध्ये घेण्यास अग्निशमन दलाला त्रास सहन करावा लागला. तसेच आग वाढत गेल्याने जेसीबीद्वारे सामान पसरवून आग विझविण्याचे काम रात्री उशिरापर्यत सुरू होते.
दरम्यान स्क्रॅप मालकाने तेथून पळ काढल्याचा बिचोलकर यांनी सांगितले. तसेच स्क्रॅपयार्ड मधील कुणाकडूनही मदत मिळाली नसल्याचे बिचोलकर यांनी सांगितले डूरोलाईन या कंपनीने पाणी पुरवण्याचे मदत कार्य केल्याचे बिचोलकर यांनी सांगितले.
वेर्णा पोलीसही घटनास्थळी दाखल झाले सदर आग येथील जवळच ड्रायग्रासला आग लागून लागल्याचे सांगण्यात आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.