इंजिनीयरने भाताच्या रोपांनी साकारला हिरवागार 'विठ्ठल'

पुणे जिल्ह्यातील मुळशी येथील लक्ष्मी शिंदे व बाळकृष्ण शिंदे या दाम्पत्यांनी त्यांच्या वातुंडे गावातील शेतामध्ये भात रोपांनी अनोखी हिरवीगार विठ्ठलाची मूर्ती साकारली आहे.

10 जुलै 2022 रोजी आषाढी एकादशी साजरी होणार असून, सध्या पंढरीची वारी सुरू असतानाच ही भात रोपांद्वारे तयार झालेले विठ्ठलाचे रूप पाहण्यासाठी नागरिकांची मोठ्या प्रमाणात गर्दी होऊ लागली आहे.

सिव्हील इंजिनिअर असलेल्या बाळकृष्ण शिंदे यांनी सुरुवातीला अ‍ॅटोकॅडमध्ये डिझाईन तयार केले आणि नंतर काळ्याभोर रानात विठ्ठल साकारला.

120 फूट लांब आणि 60 फूट रूंद उंच असलेली विठ्ठलाची मूर्ती भात शेतीतून उगवून आली आहे.