Skin Care Tips: चमकदार त्वचेसाठी कडुलिंबाचा पाला गुणकारी

कडुनिंबाचा उपयोग भारतात अनेक रोगांवर औषधी गुणधर्म म्हणून केला जातो. याचा त्वचेशी संबंधित समस्यांसाठी देखील केला जातो.

त्वचेच्या टोनसाठी

कडुलिंबाच्या पानांची पावडर कच्च्या दुधात मिक्स करून चेहऱ्यावर लावा. कोरडे झाल्यानंतर थंड पाण्याने स्वच्छ धुवावे. आठवड्यातून एकदा याचा वापर करा, तुमच्या त्वचेला नैसर्गिक चमक येऊ शकते.

मुरुम

कडुनिंबाच्या पानांचा अर्क रक्त शुद्ध करतो, त्यामुळे चेहऱ्यावर मुरुम येत नाहीत. पहाटेच्या वेळी रिकाम्या पोटी अर्धा ग्लास पाण्यात दोन चमचे निंबोळी अर्क टाकून प्यावे.यामुळे चेहऱ्यावरील मुरुम कमी होतील.

ब्लॅकहेड्स आणि व्हाईटहेड्स दूर करण्यासाठी:

एक चमचा कडुलिंबाच्या पानांची पावडर घेऊन त्यात एक चमचा बेसन आणि एक चमचा आंबट दही मिक्स करून चेहऱ्याला लावा. सुकल्यानंतर ओल्या कापसाने स्वच्छ करा.

त्वचेच्या संसर्गासाठी

कडुनिंबातील बॅक्टेरियाविरोधी आणि बुरशीविरोधी गुणधर्म तुमच्या त्वचेचे संरक्षण करतात. कडुलिंबाची पाने बारीक करून चेहऱ्यावर लावा आणि वाळल्यावर कोमट पाण्याने धुवा.