गोव्यातील नव्याने सुरू झालेले मोपा विमानतळ उद्धाटनासाठी सज्ज झाले आहे. रविवारी (दि.11) देशाचे पंतप्रधान नरेंद्र मोदी यांच्या हस्ते यांच्या हस्ते या विमानतळाचे उद्धाटन होणार आहे. मोपा विमानतळाच्या आतील फोटो नुकतेच प्रसारित झाले आहेत. यामध्ये विमानतळाचे रूप अतिशय लोभस दिसत आहे.
पायाभूत सुविधांच्या मध्यवर्ती संकल्पनेवर उभारण्यात आलेल्या या विमानतळासाठी सुमारे 2,870 कोटी रुपये खर्च करण्यात आले आहेत.
पहिल्या टप्प्यात या विमानतळावर दर वर्षी 4.4 दशलक्ष प्रवाशांची ये-जा क्षमता असेल, ती टप्प्याटप्प्याने वाढून 33 दशलक्ष होण्याची शक्यता आहे.
मोपा आंतरराष्ट्रीय विमानतळावर (Mopa Internatinal Airport) सौर उर्जा संयंत्रे, इको फ्रेन्डली इमारती, धावपट्टीवर एलईडी दिवे, पर्जन्य जल संधारण, पुनर्वापर प्रक्रियेची व्यवस्था यासह अत्याधुनिक सांडपाणी प्रक्रिया केंद्र यांसह अशा इतर अनेक सुविधांचा समावेश आहे.
या विमानतळाच्या उभारणीसाठी त्रिमित मोनोलिथिक प्रीकास्ट इमारत, स्टॅबिलरॉड, रोबोमॅटिक हॉलो प्रीकास्ट भिंती, 5 जी तंत्रज्ञानाशी अनुरूप माहिती तंत्रज्ञानाच्या पायाभूत सुविधा अशा सर्वोत्तम दर्जाच्या विशेष तंत्रज्ञानांचा वापर करण्यात आला आहे.
विमानतळाच्या इतर वैशिष्ट्यांमध्ये, जगातील सर्वात मोठ्या विमानांच्या परिचालनाची क्षमता असणारी धावपट्टी, रात्रीच्या वेळी विमाने उभी करून ठेवण्यासाठी विशेष व्यवस्थेसह 14 पार्किंग बेज, सेल्फ-बॅगेज ड्रॉप सुविधा, अत्याधुनिक आणि स्वायत्त हवाई दिशादर्शन सुविधा यासह अनेक सोयी सुविधांचा समावेश आहे.
मोपा विमानतळाचे रविवारी उद्धाटन होणार असल्याने विमानतळाच्या आतील काम बऱ्याच प्रमाणावर पूर्ण झाले आहे.
मुख्यमंत्री प्रमोद सावंत यांनी दिलेल्या माहितीनुसार, विमानतळाच्या फेज 1 चे काम 80 टक्के पूर्ण झाले असून, मोपा 06 जानेवारी 2023 पासून कार्यरत होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.