.jpg?w=480&auto=format%2Ccompress&fit=max)
गोव्यात अनेक प्रसिद्ध अभयारण्ये आहेत. त्यापैकीच एक कोटीगाव वन्यजीव अभयारण्य आहे.
क्षेत्रफळ: या अभयारण्याचं क्षेत्रफळ 86 चौरस किमी पेक्षा जास्त आहे. कोटिगाव वन्यजीव अभयारण्य हे गोव्यातील दुसरे सर्वात मोठे वन्यजीव अभयारण्य आहे.
वन्यजीवांसाठी संरक्षित:1969 मध्ये वन्यजीवांच्या संरक्षणासाठी स्थापन करण्यात आलेले हे अभयारण्य पणजीपासून 60 किमी अंतरावर आहे.
कर्नाटक सीमेला लागून: हे अभयारण्य कर्नाटकाच्या सीमेला लागून असलेल्या काणकोण तालुक्यात आहे. अभयारण्यात सहा टेहळणी बुरुज असून त्यांचा वापर वन्यजीव पाहण्यासाठी करता येतो.
नद्यांचे उगमस्थान: अनेक नद्या या अभयारण्यातून वाहतात. गाल आणि तळपोना नद्यांचे उगमस्थान अभयारण्यात आहे.
200 हून अधिक प्रजाती: हे अभयारण्य पक्ष्यांच्या 200 हून अधिक प्रजाती, सस्तन प्राण्यांच्या 25 प्रजाती, सरपटणाऱ्या प्राण्यांच्या 80 प्रजाती आणि कीटक आणि फुलपाखरांच्या असंख्य प्रजातींचे घर आहे.
सफर: तुम्हाला अभयारण्याची सैर करायची असेल तर तुम्ही एक खाजगी सफारी बुक करु शकता. जी तुम्हाला अभयारण्याची सैर घडवते.