Goa, Madei Wildlife Sanctuary: वाघाचं वस्तीस्थान- म्हादेई अभयारण्य! गोव्याच्या प्लॅनमधून बिलकुल मीस करु नका

गोवा अन् जैवविविधता: गोव्याला समृद्ध अशी जैवविविधता लाभली आहे. येथील निसर्ग सौंदर्य पर्यटकांच्या मनाला भुरळ घालते.

गोव्यातील अभयारण्ये: गोव्यातील अभयारण्ये साद घालतात. यातच आज आपण या फोटोस्टोरीच्या माध्यमातून म्हादेई वन्यजीव अभयारण्याविषयी जाणून घेणार आहोत...

म्हादेई अभयारण्य: पश्चिम घाटात वसलेले म्हादेई वन्यजीव अभयारण्य सुमारे 208 चौरस किलोमीटर क्षेत्रफळात पसरलेले आहे, ज्यामध्ये विविध परिसंस्थेचा समावेश आहे.

स्थापन: 1999 मध्ये स्थापन झालेल्या या अभयारण्याला म्हादेई नदीचे नाव देण्यात आले आहे.

प्राणी: म्हादेई वन्यजीव अभयारण्य सस्तन प्राणी, पक्षी, सरपटणारे प्राणी आणि उभयचर प्राण्यांच्या असंख्य प्रजातींना आश्रय देणाऱ्या समृद्ध जैवविविधतेसाठी प्रसिद्ध आहे. प्रमुख प्रजातींपैकी वाघ आणि ब्लॅक पँथर आहेत.

पक्षी: 255 हून अधिक प्रजातींची नोंद असलेले म्हादेई अभयारण्य आहे. कबूतर, मलबार पॅराकीट, मलबार ग्रे हॉर्नबिल आणि ग्रे-हेडेड बुलबुल यासारखे पक्षी या अभयारण्यात आढळतात.

अभयारण्याचं ठिकाण: म्हादेई वन्यजीव अभयारण्य गोव्यातील वाळपाई गावाजवळ आहे.

कसं जायचं: पणजीहून तुम्ही कॅब, टॅक्सी भाड्याने घेऊ शकता किंवा बस किंवा स्वतःचे वाहन घेऊन म्हादेई वन्यजीव अभयारण्य पाहण्यासाठी जावू शकता. याशिवाय, मोपा विमानतळावरुन तुम्हाला म्हादेई अभयारण्यासाठी दीड तास लागतो.