IFFI 2022: गोव्यातील GRAND इफ्फीची खास झलक

जगभरातील चंदेरी दुनियेचा मानबिंदू असलेल्या भारताच्या 53 व्या आंतरराष्ट्रीय चित्रपट महोत्सवाला आजपासून सुरुवात होत आहे.

यंदा 79 देशांतील तब्बल 280 चित्रपटांसह सुमारे 500 चित्रपटांच्या रिल पुढील आठवडाभर रसिकांसाठी खुल्या होतील.

इंडियन पॅनोरमा विभागात देशभरातील 45 चित्रपटांचे प्रदर्शन होत असून यात मराठी, कोकणीसह अन्य भाषांतील चित्रपट रसिकांना पाहता येतील.

भारताचा 53 वा आंतरराष्ट्रीय चित्रपट महोत्सव अर्थात इफ्फी, आजपासून 28 नोव्हेंबरदरम्यान होत आहे.

महोत्सवाचे उदघाटन संध्याकाळी डॉ. श्‍यामाप्रसाद मुखर्जी इनडोअर स्टेडियममध्ये होणार आहे.

यासाठी जगभरातील सुमारे 300 पाहुण्यांना निमंत्रित केले आहे. देशी सेलिब्रिटींची संख्याही मोठी आहे.

महोत्सवाच्या उदघाटनावेळी रंगारंग कार्यक्रमात मराठी सिनेतारका अमृता खानविलकर आणि सहकाऱ्यांचा सहभाग असेल.