KL Rahul expensive things: भारताचा स्टार फलंदाज केएल राहुल लोकप्रिय खेळाडूंपैकी एक आहे. त्याचा आज (18 एप्रिल) 31 वा वाढदिवस आहे. त्याचा जन्म 18 एप्रिल 1992 रोजी बंगळुरूला झाला होता. त्याने त्याच्या कारकिर्दीत 200 पेक्षा जास्त आंतरराष्ट्रीय सामने खेळताना 14 शतकांसह 6 हजारांहून अधिक धावा केल्या आहेत.
दरम्यान, राहुल स्टायलिश खेळाडूंपैकी एक देखील समजला जातो. त्याच्याकडे अनेक महागड्या वस्तूही आहेत. त्यावरच एक नजर टाकू.
केएल राहुलचे नेटवर्थ 90 कोटींहून अधिक असल्याचे अनेक रिपोर्ट सांगतात.
अनेक रिपोर्ट्सनुसार केएल राहुलचा मुंबईला एक आलिशान 4 बीएचके बंगला आहे. त्या बंगल्यातून समुद्राचेही दर्शन होते. इतकेच नाही, तर त्याचे 64 लाखांचे बंगळुरूमध्येही मोठे घर आहे.
त्याच्या घरांमध्ये सुंदर इंटेरियर केलेले असून अनेक सुखसुविधा या घरांमध्ये आहेत.
केएल राहुलला कारचेही वेड असून त्याने जवळपास साडेतीन कोटींहून अधिकच्या किमतीची लँबोर्गिनी हुराकेन स्पायडर (Lamborghini Huracán Spyder) ही महागडी गाडी आहे. याशिवाय त्याच्याकडे एस्टोन मार्टिन डीबी11 (Aston Martin DB11), ऑडी आर८ (Audi R8) आणि रेंज रोव्हर वेलार (Range Rover Velar) या महागड्या गाड्याही आहेत.
केएल राहुलकडे गाड्यांबरोबरच महागडी घड्याळं देखील आहेत. एनडीटीव्हीने दिलेल्या वृत्तानुसार त्याच्याकडे रोलेक्स डे-डेट, पाटेक फिलिप नॉटिलस, रोलेक्स कॉस्मोग्राफ डेटोना अशी जवळपास 25 लाखांहून अधिक किमतीची घड्याळे त्याच्याकडे आहेत.
केएल राहुलला वेगवेगळे शुज वापरायलाही आवडतात. त्याच्याकडे वेगवेगळ्या ब्रँडचे अनेक महागडे शुज आहेत.