तेलंगणात पहिल्यांदाच समलिंगी जोडप्याचा थाटात पार पडला विवाह सोहळा

Gay Couple Wedding: तेलंगणामध्ये, समलिंगी सुप्रियो चक्रवर्ती (Supriyo Chakraborty) आणि अभय डांग (Abhay Dang) यांनी आनंदाने लग्नगाठ (marriage) बांधली. ते दोघे खुप दिवसांपासून एकमेकांना ओळखत होते आणि आपले नाते पुढे नेत त्यांनी लग्न केले. हे तेलंगणातील पहिले समलिंगी जोडपे असल्याचे मानले जाते आहे.

सुप्रियो (31) आणि अभय (34) वर्षाचा आहे. या दोघांनी हैदराबादमधील एका रिसॉर्टमध्ये झालेल्या लग्न समारंभात एकमेकांना अंगठी घातली आणि नंतर लग्न समारंभात एकत्र खेळण्याची शपथ घेतली. सोफिया डेव्हिड या समलिंगी जोडप्याच्या मैत्रिणीने हे लग्न लावून दिले. सोफिया स्वतः LGBTQ समुदायातील आहे.

आपल्या लग्नाबाबत सुप्रियो यांनी प्रतिक्रीया दिल्या, "यातून आम्ही आच्यासारख्या प्रत्येकाला एक संदेश दिला आहे की आनंदी राहण्यासाठी कोणाच्याही परवानगीची गरज नाही." या विवाह सोहळ्यात या जोडप्याचे कुटुंबीय आणि त्यांचे मित्र एकत्र आले होते.

या सोहळ्यात बंगाली आणि पंजाबी विवाह विधी झाला कारण सुप्रियो कोलकाता येथील आहे, तर अभय दिल्लीचा आहे. लग्नात बँड-बाजा, मेहंदी, रिंग सेरेमनी असे विधीही पार पडले. सुप्रियो आणि अभयचे लग्न मोठ्या थाटामाटात पार पडले.

दोघेही हैदराबादमध्ये नोकरी करतात. सुप्रियो हा हॉटेल मॅनेजमेंट क्षेत्रात काम करतो, तर तो सध्या एका बहुराष्ट्रीय कंपनीत काम करत आहे. हे जोडपे 8 वर्षांपासून रिलेशनशिपमध्ये होते.

या लग्नाला आलेल्या एका पाहुण्याने सांगितले की, हळूहळू लोकांची विचारसरणी बदलत आहे. आजचे हे सुंदर दृश्य पाहून हेच जाणवत आहे की, समाज बदलत आहे, लोकं बदल स्वीकारत आहेत.