Fried Fish Recipe: हिवाळ्यात चटपटीत पदार्थ खायची इच्छा होत असेल तर ट्राय करा 'फ्राईड फिश'

गोड मिरचीच्या चटणीसोबत 'फ्राईड फिश' घरीच बनवा. ही पूर्ण रेसिपी आहे.

हिवाळ्यात मसालेदार खाण्याची इच्छा प्रत्येकाला असते. पण आजकाल एवढी थंडी आहे की तुम्ही बाहेर जेवायला जाऊ शकत नाही. आज आम्‍ही तुम्‍हाला सांगणार आहोत की तुम्‍ही घरी बसून हॉटेलसारखी फ्राइड फिशचा आस्वाद कसा घेऊ शकता. गोड 'एन' स्पायसी मिरची सॉससह कुरकुरीत फिशचा अस्वाद घेउ शकता.

या रेसिपीमध्ये सॅल्मन फिलेट्स वापरणे चांगले आहे. तुम्ही आवडते कोणतेही मासे वापरू शकता. जर आपल्याला जास्त मसाला आवडत नसेल तर, लाल मिरचीचे प्रमाण कमी करु शकता. सॉसमध्ये अतिरिक्त साखर घालू शकता.

कोथिंबीर, लसूण, लाल मिरची आणि कांदा चांगले बारिक करुन घ्या. एका भांड्यात कॉर्न फ्लॉअर आणि थोडे पाणी ठेवा. मिक्स करून पीठ बनवा.आता फिश फिलेटचे तुकडे कॉर्न फ्लोअरच्या पिठात बुडवून गरम तेलात तळून घ्या.चांगले तळून झाल्यावर हे तुकडे प्लेटमध्ये काढून घ्या.

आता कढईत तेल गरम करा. कोथिंबीर, लसूण, लाल मिरची आणि शॉलो बारीक करून तयार केलेले मिश्रण घाला. एक मिनिट परतून घ्या. व्हेज स्टॉक आणि चिंचेचा रस सोबत साखर आणि चवीनुसार मीठ घाला. 5-7 मिनिटे किंवा सॉस घट्ट होईपर्यंत शिजवा. मासे एका प्लेटमध्ये ठेवा आणि माशावर जाड सॉस घाला. वरुन कोथिंबीर घालून सजवा.