भारताचा स्टार फलंदाज विराट कोहली 13 वर्षांनी रणजी ट्रॉफी खेळायला आला. विराटची फलंदाजी पाहण्यासाठी अरुण जेटली स्टेडियमवर चाहते मोठ्या संख्येनं जमले होते.
६ धावांवर बाद
आंतरराष्ट्रीय क्रिकेटमध्ये संघर्ष करत असलेला विराट रेल्वेविरुद्धच्या सामन्यात दमदार फलंदाजी करेल, असं सर्वांना वाटत होतं, पण तसं झालं नाही. तो केवळ ६ धावा करत बाद झाला.
घरच्या सामन्यातही विराट अपयशी ठरत असल्याच पाहायला मिळतंय. त्याला रेल्वेकडून खेळणारा वेगवान गोलंदाज हिमांशू सांगवाननं क्लीन बोल्ड केलं. क्लीन बोल्ड केल्यानंतर त्यानं कोहलीसारखाच जल्लोष केला.
विराट कोहलीला बाद करणारा हिमांशू सांगवान 29 वर्षांचा आहे. तो दिल्लीच्या 19 वर्षांखालील संघाकडूनही खेळला आहे. सध्या तो स्थानिक क्रिकेटमध्ये रेल्वेकडून खेळतो. हिमांशूनं 2019 मध्ये रेल्वेच्या वतीनं देशांतर्गत क्रिकेटमध्ये पदार्पण केले.
चाहत्यांनी सोडलं स्टेडियम
विराटच्या खराब फलंदाजीमुळं स्टेडियममध्ये बसलेल्या प्रेक्षकांना मोठ्या निराशेचा सामना करावा लागला. कोहली बाद झाल्यानंतर अनेक चाहते स्टेडियम सोडून गेले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.