आलिया भट्ट बॉयफ्रेंड रणबीर नाही तर फॅमिलीसोबत सेलिब्रेट करणार वाढदिवस

बॉलिवूडम अभिनेत्री आलिया भट्ट (Alia Bhatt Birthday) आज 29 वर्षांची झाली आहे. अलीकडेच गंगूबाई काठियावाडीच्या यशानंतर आलियाने तिचा 'व्हेज बर्गर' खातानाचा व्हिडिओ सोशल मीडियावर शेअर केला आहे. मात्र, तिच्या वाढदिवशी आलियाने तिची बहीण शाहीन भट्ट आणि आई सोनी राजदानसोबत शहरापासून दूर वेळ घालवण्याचा निर्णय घेतला.

म्हणजेच आलिया सध्या तिचा बर्थडे बॉयफ्रेंड रणबीर कपूर (Ranbir Kapoor) सोबत नाही तर शहराासून लांब कुटुंबासोबत सेलिब्रेट करणार आहे. या सेलिब्रेशनमध्ये रणबीरही नंतर सामील होण्याची शक्यता आहे, मात्र सध्या ती मुंबईत तिच्या चित्रपटाच्या शूटिंगमध्ये व्यस्त आहे.

असे म्हटले जात आहे की आलिया आणि रणबीर पुढील महिन्यात म्हणजेच एप्रिल महिन्यात शिमलामधील हॉटेलमध्ये लग्न करू शकतात, परंतु अद्याप याबद्दल कोणतीही अधिकृत माहिती देण्यात आलेली नाही.

आलिया सोशल मीडियावरही खूप सक्रिय असते. तिच्या चित्रपट आणि गाण्यांचे प्रमोशन करण्यासोबतच ती सोशल मीडियावर तिचे फोटो पोस्ट करून चाहत्यांचे मनोरंजन करते.

गंगूबाईच्या यशानंतर आलियाचा दक्षिण भारतीय चित्रपट आरआरआर लवकरच प्रदर्शित होणार आहे. या चित्रपटातून आलिया साऊथ चित्रपटात म्हणजे टॉलिवूडमध्ये पदार्पण करणार आहे.